Արեգնազ Մանուկյան. «ՀՀԿ–ի համամասնական ցուցակում հայտնվելով՝ ի՞նչ «մեսիջ» է քաղծառայողներին հաղորդել Մանվել Բադալյանը։ Հաշվի առնելով Քաղծառայության խորհրդի նախագահի նախկինում տված ձևակերպումները՝ կարող ենք ասել, որ նրա հայտնվելը ՀՀԿ–ի ցուցակում փաստացի նշանակում է՝ քո տեղը պահելու համար անպայման պետք է դառնաս կուսակցական կամ տեղ ունենաս իշխող ուժի ցուցակում, լինես կաշկանդված, հաշվի առնես միայն կուսակցական ու հատվածական շահը, լինես անսկզբունքային, զուրկ լինես արժեքային համակարգից և այլն»

Գևորգ Դավթյան. «Ինչպես հայտնի է, ՀՀԿ ցուցակում բազում գործարարներ կան, իսկ մեծամասնական կարգով Հանրապետականն առավելապես գործարարների է առաջադրել։ Առաջադրել է, լավ է արել. գործարարին սահմանադրորեն արգելված չէ պատգամավորության թեկնածու լինել և գործարար լինելը դատապարտելի չէ, բայց դատապարտելի է այն, որ բոլոր գործարարների համար հավասար մրցակցություն ապահովելու համար հարկատուների հաշվին աշխատավարձ ստացող պաշտոնյան քաղաքական համակրանքներով է առաջնորդվում»։

Կորյուն Մանուկյան. «Շուտով սկսվելու է ընտրարշավը և մասնակից կուսակցությունները, բնականաբար, հանդես են գալու նախընտրական կարգախոսներով։ Եթե քաղաքական ուժերը մի փոքր շեղվեն ընդունված չափանիշներից, ապա ընտրողներին պետք է ներկայանան հետևյալ կերպ»։

Կորյուն Մանուկյան. «Հիմա ճիշտ պահն է անդրադառնալ այն «մեսիջներին», որոնք ցուցակների միջոցով քաղաքական դաշտի հիմնական խաղացողներն ուղարկեցին հանրությանը»։

Արման Սահակյան. «Հայաստանի նման երկրներում սոցհարցումները չեն կարող արտահայտել ժողովրդի իրական տրամադրությունները: Այնպես որ, որեւէ սոցհարցման չի կարելի լուրջ վերաբերվել, եթե նույնիսկ սոցհարցումներն իրականացնում են եվրոպացու դեմքով երիտասարդները, որոնք, մեծ հաշվով, թքած ունեն Հայաստանի եւ հայ ժողովրդի ապագայի վրա»։

Գևորգ Դավթյան. «Եթե «անտանիք» ձեռներեցները տեսնում են, որ իրենցից «յոթ կաշի» է քերթվում հարկայինի կողմից, բայց միևնույն ժամանակ հարկային դրախտում են հայտնվում այն կազմակերպությունները, որոնք կապ ունեն հարկայինի կամ այլ պետական հիմնարկի վերնախավի հետ, ապա նրանք հազիվ թե հավատան ու փոխվեն»։

Արման Սահակյան. ««Ժառանգության» ներկայացուցիչներն ու այդ կուսակցույան հիմնադիր նախագահ Րաֆֆի Հովհաննիսյանը հիմա անհաջող փորձեր է անում հանրությանը բացատրել, թե ինչու իրենց ցուցակում ընդգրկեցին նախագահականի «մարդկանց»»։

Արման Սահակյան. «Պարտքս եմ համարում «երկխոսողներին» հիշեցնել, որ Սերժ Սարգսյանը ուժ տեսնելիս փափկում է, իսկ նույն այդ ուժի ռեսուրսները «երկխոսության» օգնությամբ մաշեցնելիս և սեփական դիրքերն ամրացնելիս՝ փակել է տալիս անգամ զուգարանները»։

Արման Սահակյան. «Մնում է տեսնել, թե ինչպիսի ցուցակ կհրապարակի ԲՀԿ–ն ու վերջնականապես հասկանալ, թե որ ճանապարհով է գնում Գագիկ Ծառուկյանի թիմը՝ ՕԵ՞Կ–ի, թե՞ ՀՀԿ–ին իրական այլընտրանք դառնալու»։

Կարեն Հակոբջանյան. «Դատելով ամենից՝ Րաֆֆի Հովհաննիսյանը հավատացել է Սերժ Սարգսյանին ու փոխվել՝ կարծելով, որ նախագահական նստավայրի մարդկանց ներգրավելով ցուցակ, ինքը հաստատ կանցնի. ինչպիսի՜ միամտություն»։

Կարեն Հակոբջանյան. «Եթե «ժառանգությունը» իր սկզբունքներին, գաղափարներին ու հայտարարություններին հավատարիմ ուժ է և հասարակության հետ անկեղծ է, ապա անհասկանալի է, թե այդ դեպքում ինչ գործ ունի նախագահական նստավայրի հետ սերտորեն համագործակցող ՄԶՄԿ–ի տնօրեն Թևան Պողոսյանը»։

Արման Սահակյան. «Բոլորն էլ հասկանում են, որ գալիք ԱԺ ընտրությունների գլխավոր ինտրիգը ՀՀԿ–ԲՀԿ մրցակցությունը կամ մրցակցության բացակայությունն է լինելու։ Այլ խոսքերով՝ հարցերի հարցը հետևյալն է. արդյոք ԲՀԿ–ն այս ընտրությունների ՕԵ՞Կ–ն է, թե՞ ՀՀԿ–ի գերեզմանափորը»։

Կարեն Հակոբջանյան. «Թե ո՞ր տարբերակը կհաղթի Հայաստանում՝ ցույց կտան ԱԺ առաջիկա ընտրությունները։ Մեկ բան ակնհայտ է. հանրային լայն համախմբմամբ և Սերժ Սարգսյանի ազդեցության տիրույթից դուրս գտնվող բոլոր քաղաքական ուժերի համատեղ ջանքերով հնարավոր կդառնա Հայաստանում ազգային–դեմոկրատական կամ, որ նույնն է, բուրժուա–դեմոկրատական անցնցում հեղափոխություն իրականացնել»։

Կարեն Հակոբջանյան. «Ավելորդ չեմ համարում նշել, որ «Օսկանյանը մեղավոր է մարտի 1–ի հարցում» ձևակերպումը տարածվում է Բաղրամյան 26–ի վերահսկողության տակ գտնվող «ազատ, բայց սերժատու» մամուլի միջոցների, ինչպես նաև տարբեր կուսակցություններում ներդրված «ականների» կողմից»։

Կարեն Հակոբջանյան. «Սխալների արդյունքում կարող է տնտեսության երկնիշ անկում գրանցվել, գների երկնիշ աճ, արտագաղթի վտանգավոր չափեր և այլն, բայց դե Սերժ Սարգսյանի համար այդ սխալները, անգամ որպես սխալ, շատ ավելի մեծ արժեք են, քան ոչինչ չանողների դատարկ ու ամուլ՝ թվացյալ ճիշտ ելույթները»։

Կարեն Հակոբջանյան. ««Միամիտ» լոռեցի Վիկտոր Դալլաքյանին, հավանաբար, դեռ երկար կհաջողվեր «ընդդիմադիր» ու «անկախ» խաղեր տալ, բայց Սերժ Սարգսյանն անողոք գտնվեց իր վաղուցվա հաճախորդի հանդեպ։ Արդյունքում՝ Վիկտորը ՀՀԿ–ին անդամակցելու դիմում է ներկայացրել, այնինչ ոչ վաղ անցյալում նա ընտրողների հետ հանդիպման ժամանակ հայտարարում էր, թե Սերժ Սարգսյանը Մոնտե–Կառլոյի կազինոյում 50 հազար դոլարի կոն է դնում»։

Կարեն Հակոբջանյան. «Ոչ թե պետք է հավատալ, որ փոխել, այլ պետք է փոխել, որ հավատալ։ Փոխել այս իշխանությունն ու գործող համակարգը։ Այ ա՛յդ դեպքում միայն մարդկանց հավատը կվերականգնվի, ու երկիրն էլ երկիր կդառնա, այլապես դեմագոգիկ ելույթներով ու թուրքմենբաշիական մտածելակերպով Հայաստանն առաջ չես տանի։»

Արման Սահակյան. «Հետևելով «Ժառանգություն» և «Ազատ դեմոկրատներ» կուսակցությունների ներկայացուցիչների տարատեսակ հայտարարություններին՝ պարզ է դառնում, որ այդ ուժերի համատեղ հանդես գալու պահով խնդիրներ են առաջացել»։