Արման Սահակյան. ««Հայբուսակի համախտաշինը» կրծում է մեր երկիրը՝ քանդելով ոչ միայն ազգային, այլև քրիստոնեական հիմքերը: Ոչ մի ազգի հիմքը չի կարող լինել քծնանքը»։

Կարեն Հակոբջանյան. «Օրինագիծն ընդունվեց հայ–թուրքական արձանագրությունների սառեցված լինելու ֆոնին։ Նման բան հնարավոր չէր լինի, ասենք, 2008–ին, 2009–ին և անգամ 2010–ին, երբ հայաստանյան հեռուստաընկերությունները Սերժ Սարգսյանից ոչ պակաս էին ցույց տալիս Աբդուլա Գյուլին ու ՀՀ նախագահից ոչ պակաս էին քծնում Թուրքիայի նախագահին»։

Կարեն Հակոբջանյան. «Քաղաքական կուլիսներում տեղի ունեցող գործընթացներին ու տեղեկատվական հոսքերին հետևողների համար արդեն ակնհայտ է, որ Սերժ Սարգսյանին չհաջողվեց Գագիկ Ծառուկյանի վրա ճնշումներ կիրառելով՝ նրանից ստանալ ՀՀԿ–ի հետ միասնական ցուցակով գալիք ԱԺ ընտրություններին մասնակցելու համաձայնություն»։

Արման Սահակյան. «Երբ Ռ. Ամիրխանյանը ընտրվեց /նշանակվեց/ Մշակույթի աջակցման խորհրդի նախագահ, շատ մշակութային գործիչներ կասկած հայտնեցին, այդ թվում հրապարակային, որ այդ մարդը ի վիճակի չէ անկողմնակալ ու անշահախնդիր որոշումներ կայացնել»։

Կարեն Հակոբջանյան. «Ըստ որոշ տեղեկությունների՝ կաթնամթերքի շուկայում արված կոպիտ միջամտություններով Տիգրան Սարգսյանը ճանապարհ է հարթում ներմուծողների համար՝ ոչ առանց սեփական շահագրգռվածութայն, իհարկե։ Խոսվում է «Wim Bill dan»–ի մասին»։

Արեգնազ Մանուկյան. «Հայաստանի իշխող վերնախավի մոտ արդեն սովորույթ է դարձել սուտ խոսելով երկիր պահելը։ Սովորաբար պաշտոնական լրահոսում իրականությանը չհամապատասխանող տեղեկություններ շատ քիչ են հանդիպում, բայց վերջին շրջանում Հայաստանում լրիվ այլ պատկեր է»։

Կարեն Հակոբջանյան. «Ակնհայտ է, որ միասնական ցուցակի նպատակը «մեկ ազգ, մեկ օլիգարխ, մեկ տիրացու, մեկ փեսա» հետադիմական համակարգ կառուցելն է, քաղաքական դաշտը ոչնչացնելն է, ԲՀԿ–ին խաղից հանելն է ու սեփականության խոշորամասշտաբ վերաբաշխման գնալն է»։

Կարեն Հակոբջանյան. «Դատելով ամենից՝ նախագահականի երիտթևը և անձամբ նախագահը հասկացել են, որ էժանագին «կտերով» հասարակական վարկանիշ չեն կարող ձեռք բերել և որոշել են ապավինել հոգեհարազատ մեթոդին ու հոգեհարազատ մարդկանց, այդ իսկ պատճառով էլ Լիսկային ոչ մի բան չեղավ»։

Կարեն Հակոբջանյան. ««Ականներին» պայթեցնելով՝ իշխանություններն, անկախ իրենց կամքից, օգտակար գործ են կատարում։ Օրինակ՝ Գագիկ Ծառուկյանը պետք է ստիպված լիներ սեփական ձեռքերով իրականացնել սանիտարական հատումներ և մաքրել ԲՀԿ–ն պատեհապաշտներից ու «բոմժերից», սակայն իր փոխարեն դա անում է Սերժ Սարգսյանի երիտթիմը»։

Կարեն Հակոբջանյան. «Փաստորեն, «նախաձեռնողական» ներքին քաղաքականությունը տալիս է իր արդյունքները։ Մնում է միայն համոզել մնացած կարկառուն դեմքերին ու նրանց տնեցիներին, որ նրանք ևս թիկունք կանգնեն չափից դուրս «ֆուտբոլասեր» և չափից շատ «ճկուն» նախագահին»։

Կարեն Հակոբջանյան. «Բամբասանքների, «վերլուծությունների», պատվերով ասուլիսների առատությունը վկայությունն է այն բանի, որ Սերժ Սարգսյանին ու իր երիտթիմին մնացել է միայն կարճաժամկետ ազդեցության PR–էֆեկտներով կառավարման և օր ձգելու տարբերակը»։

Կարեն Հակոբջանյան. «Տխրահռչակ «ֆուտբոլը» վնասեց ոչ միայն ՀՀ պետական շահերին, այլ նաև խաղաց մարդկանց բարի համբավի ու հեղինակության հետ, մասնավորապես հարվածելով հայ ժողովրդի ու համայն առաջադեմ մարդկության սիրելի Շարլին»։

Կարեն Հակոբջանյան. «Կարծում եմ՝ շատերին է հասկանալի՝ ինչու է հանցավորությունն աճում։ Աճում է, որովհետև Ալիկ Սարգսյանն իր պաշտոնավարման օրոք ավելի շատ զբաղված էր Սերժ Սարգսյանին հավատարմության երդումներ տալով, քան օպերատիվ վիճակին հետևելով, Ներսիկ Նազարյանը զբաղված էր (է) ոստիկանին ոչ հարիր մանրախնդրությամբ, իսկ Վլադիմիր Գասպարյանին էլ բերել են, որպեսզի Սերժ Սարգսյանին օգնի վերարտադրվելու»։

Կարեն Հակոբջանյան. «Հաշվի առնելով այս նախադեպը՝ մեր բոլոր այն քաղաքացիները, ովքեր տուժել են պետական պաշտոնյաների գործունեությունից և ուզում են իրենց վերաբերմունքն արտահայտել նրանց նկատմամբ, այսուհետև կարող են հարմար առիթ գտնել ու թեթևակի ապտակել Սյունիքի մարզպետի թիմակիցներին»։

Կարեն Հակոբջանյան. «ԲՀԿ առաջնորդը ցույց է տալիս, որ ոչ միայն ինքն է ի գիտություն ընդունել հանրահավաքի ժամանակ հնչեցրած մտքերը, այլ նախևառաջ ՀՀԿ «ճկուն» ղեկավարի՛ն է խորհուրդ տալիս ի գիտություն ընդունել դրանք՝ հասկացնելով, որ ԲՀԿ–ն առաջվանը չէ, որ քաղաքական կոնյունկտուրան փոխվել է և որ կոալիցիոն նոր հուշագիրն այլևս ոչինչ չնշանակող «տուֆտա» փաստաթուղթ է»։

Արման Սահակայն. «Այլևս EPP-ական Շմայսը, ալրաղացը, Սաշիկը, Պուրտոն, Նեմեցը, Բելաջիոն, «պոլիտիկ-Լֆիկը» իրենց «ֆուտբոլասեր» նախագահով և «սուպերեվրոպացի» վարչապետով կերտելու են պետություն, որի կարգախոսը լինելու է. «Կեղծված բյուջեով ու հարբած վարչապետով դեպի արդար ընտրություններ»»։

Կարեն Հակոբջանյան. «Եթե նախկինում հեռուստատեսային ոլորտում կային բիզնես առումով ինքնուրույն գործող մասնավոր տնտեսվարողներ, որոնք քաղաքականապես ենթարկվում էին Բաղրամյան 26–ին, ապա այժմ նկատվում են սեփականատերերի փոփոխության միտումներ»։

Կարեն Հակոբջանյան. «Սերժ Սարգսյանի սիրտն, ամենայն հավանականությամբ, հովանում է, երբ փեսայի ազդեցության տակ գտնվող «ազատ, բայց սերժատու» թերթերում և կայքերում հայտնվում են «հավաստի» լուրեր այն մասին, որ ՀՀԿ–ն ու ԲՀԿ–ն միասնական ցուցակով են մասնակցելու առաջիկա խորհրդարանական ընտրություններին»։