2007–ի խորհրդարանական ընտրություններից առաջ ու հետո հօգուտ Սերժ Սարգսյանի անթաքույց քարոզչությամբ զբաղվող ամերիկահայ Ռիչարդ Կիրակոսյանը թուրքական լրատվամիջոցի հետ զրույցում անկեղծացել էր և «խաղաղասիրական» (փաստացի՝ պրոթուրքական) հայտարարություններով հանդես եկել, ինչն այլ կերպ, քան շվեդական սինդրոմով տառապող մարդու վարքագիծ չես որակի։

Կարեն Հակոբջանյան. «Կոալիցիա–ՀԱԿ «երկխոսությունը» միտված է Սերժ Սարգսյանի համար ազգային համաձայնության պատրանք ստեղծելուն և Ղարաբաղյան խնդրից հանրության ուշադրությունը գյալաջիով շեղելուն, իսկ Լևոն Տեր–Պետրոսյանը պարզապես օգտագործվում է, ինչպես որ օգտագործվեց հայ–թուրքական «ֆուտբոլի» ժամանակ»։

Կարեն Հակոբջանյան. «Փաստորեն, իր քաղաքական վերադարձը սկսելով «Արմենիա–Մարիոթ» հյուրանոցից՝ Տեր–Պետրոսյանն այն անփառունակ ավարտում է «Էրեբունի Պլազա» հյուրանոցում իշխանական կոալիցիայի հետ գյալաջի անելու և ՕԵԿ ներկայացուցչի հետ «ջան» ասելու և «ջան» լսելու պատրաստակամությամբ»։

Կարեն Հակոբջանյան. «Սերժ Սարգսյանի հետ «երկխոսություն» իրականացրած Ա. Գեղամյանին «դհոլ», իսկ Ա. Բաղդասարյանին «ախք» որակումը տված թիմն այժմ գնում է վերջիններիս հետևից ու մտնում «սահմանադրական» ճանապարհի «վազքուղի», որը, ինչպես պարզվեց ԱԺ խոսնակի խոսքերից, սկսվում է Հանրային խորհրդի փոքր դահլիճից»։

Կարեն Հակոբջանյան. «Սերժ Սարգսյանը հիմա հայտնվել է «յուրայինների մեջ օտար, իսկ օտարների մեջ յուրային» կարգավիճակում, ինչը «նոնսենս» է երկրի ղեկավարի դիրքը զբաղեցնող գործչի պարագայում»։

Կարեն Հակոբջանյան. «Սերժ Սարգսյանը «մոռանում» է նաև, որ 1998–ի իշխանափոխության ժամանակ ինքը Տեր–Պետրոսյանի դեմ է դուրս եկել՝ հայտնվելով այն թիմում, որը մերժում էր «Սերգո՛ ջան, լավ չես ապրելու՝ մինչև Ղարաբաղի հարցը չլուծվի» պարտվողական ու կապիտուլյացիոն ձևակերպումը»։

Կարեն Հակոբջանյան. «Սարգսյանն, ամենայն հավանականությամբ, պատրաստվում է «նախաձեռնողական» դառնալ նաև Ղարաբաղի հարցում, ու հիմա, ինչպես հայ–թուրքականի փուլում, ՀԱԿ–ն օգտագործվելու է, իսկ Տեր–Պետրոսյանին վերապահված է լինելու Հայաստանի կողմից միակողմանի զիջումների գնալու անհրաժեշտության «փողոցային» աջակցությունն ապահովելու գործը, ինչի շուրջ էլ, փաստացի, «երկխոսելու» են Կոնգրեսն ու իշխանությունը»։

Կարեն Հակոբջանյան. «Կոնգրեսից սկսեց նեխած հոտ գալ և ամառային տապը է՛լ ավելի նպաստեց քաղաքական դիակի վերածված այդ ուժի գարշահոտության տարածմանը։ Եվ ահա այս պայմաններում Սերժ Սարգսյանը վերցրեց ու վերակենդանացրեց ՀԱԿ–ին՝ Տեր–Պետրոսյանին առաջարկելով «երկխոսություն» և միաժամանակ անհարմար վիճակի մեջ դնելով իշխանական լայն շրջանակներին, մասնավորապես՝ ՀՀԿ–ականներին։ Տեսնես ինչու։»

Կարեն Հակոբջանյան. ««Նախաձեռնողական» որակված ՀՀ արտաքին քաղաքականությունն իրենից ներկայացնում է, պատկերավոր ասած, բերանը ջուր առած վիճակ, երբ դու հնազանդորեն ենթարկվում ես միջնորդների բոլոր ասածներին ու ոչ մի բան չես պահանջում»։

Կարեն Հակոբջանյան. «Նախքան «Ֆորբսի» հրապարակումը մենք կարծում էինք, թե Տիգրան Սարգսյանն իր դեմագոգիկ ու փարիսեցիական պահվածքով վերջն է։ Պարզվեց վերջը չէ։ Ըստ ամսագրի՝ վերջը Մադագասկարում է, որտեղ, հավանաբար, իրենց փայ տիգրանսարգսյանները և «ծովի» գործ անող ներսեսերիցյանները կան»։

Կարեն Հակոբջանյան. «Շատ խորհրդանշական է, որ ՀԱԿ–ի ստեղծման օրը՝ օգոստոսի 1–ը, այս տարի համընկավ մեռելոցի օրվա հետ։ Քաղաքական ներկա իրողությունները հաշվի առնելով՝ Կոնգրեսի հանրահավաքի համար շատ ճիշտ օր էր ընտրված և չարժեր այն փոխել»։

Կարեն Հակոբջանյան. «Ըստ Գալուստի՝ շատ հնարավոր է, որ երկխոսիս գլուխներին չերեզ «Օջախ» տանեն Սևան։ Այսինքն՝ ամեն ինչ արվի այնպես, ինչպես երկխոսիս գլուխների կոլեգաների դեպքում է լինում. սկզբում կերակրում են, իսկ հետո՝ տանում «լողցնելու»։ Այ սա արդեն realpolitic է»։

Կարեն Հակոբջանյան. «Տեր–Պետրոսյանը առիթը բաց թողեց և հանրահավաքի մասնակիցների ու անձամբ իր անունից չշնորհավորեց Ս. Սարգսյանին, ում ծննդյան օրն էր հունիսի 30–ին։ Սա, ըստ էության, շատ անսպասելի քայլ էր ՀԱԿ առաջնորդի կողմից և քաղաքական «շախմատում» մինչև այժմ չարձանագրված իրավիճակ»։

Կարեն Հակոբջանյան. «Վերջին ամիսներին մի ավանդույթ էր ձևավորվել, համաձայն որի՝ Հայ ազգային կոնգրեսի հանրահավաքից մեկ կամ երկու օր առաջ Սերժ Սարգսյանն առիթ էր գտնում և լրագրողների միջոցով հեռակա «երկխոսում» էր իր «ընդդիմախոսների» հետ, ինչը հնարավորություն էր տալիս Լևոն Տեր–Պետրոսյանին հանրահավաքի ժամանակ հաճույքով մեջբերումներ անել ՀՀԿ «ճկուն» ղեկավարի խոսքերից։ Հիմա այդ ավանդույթն արդեն խախտվել է»։

Կարեն Հակոբջանյան. «Հետայսու պետք չէ սպասել տնտեսական վիճակի բարելավում, քանի որ Սերժ Սարգսյանին ձեռնտու չէ հանրության համակրանքը վայելող վարչապետ, իսկ Տիգրան Սարգսյանին էլ պետք է հնարավորինս երկար մնալ իր պաշտոնում։ Ասել է թե՝ Սերժ Սարգսյանի և Տիգրան Սարգսյանի շահերը համընկնում են»։

Կարեն Հակոբջանյան. «Այն, որ Կազանում որևէ լուրջ բան չէր սպասվում պարզ դարձավ նաև «երկխոսության» թեմայով Սերժ Սարգսյանի ՀԱԿ–ին ուղղված պատասխանից։ Նա «պասլատ» արեց Տեր–Պետրոսյանին իր հինգ հոգանոց պատվիրակությամբ հանդերձ։ Իսկ դա նշանակում էր, որ Սարգսյանը կարիք չուներ Լևոնի հետ քիրվայական համաձայնության»։

Կարեն Հակոբջանյան. «Թուրքիան ու Ադրբեջանը դեմ չէին լինի Հայաստանում ունենալ հինգերորդ շարասյուն։ Հարկավոր է, ուրեմն, պարզել, թե մեր հարևանները կարողացե՞լ են ուղղորդվող գործակալ ձեռքբերել մեզանում, թե՞ Տեր–Պետրոսյանը ինքնամոռաց քիրվա է, որին նույնիսկ «վերբովկա» անելու կարիք չկա, քանի որ գործում է նպատակասլաց ու ղուկասղուկասյանական էնտուզիազմով»։

Կարեն Հակոբջանյան. «Պետք է արձանագրել, որ երկխոսիս գլուխներն իրենց ոռնոցի դիմաց վատ չեն վաստակում ու ահագին էլ «պատիվ» ունեն։ Սրանց, ի տարբերություն շարքային պոռնիկների, ոչ թե փողոցում են կանգնեցնում, այլ մի ամբողջ հրապարակ են տալիս, որպեսզի այնտեղից երկխոսիս գլուխները ստրիպտիզ ցույց տան ու կպցնեն «շինարարական» նոր պայմանագրեր։ Ու ասեմ ձեզ, որ ահագին էլ կպցնում են էդ երկխոսիս գլուխները, որովհետև տեսակը տեսակին հեշտ է գտնում»։