Եթե ՀՀԿ–ն գլխավորող Սերժ Սարգսյանը մեկ տարի առաջ ընտրակեղծիքների նոր տեխնոլոգիայի օգնությամբ հաջողացրեց 44% հավաքել, ապա էժանագին ձեթի գովազդ հիշեցնող պաստառի վրայի տղայի օգտին երեկ «խփվել» է ավելի քան 55 տոկոս։

ԲՀԿ–ի մասին էժանագին ապատեղեկատվություն տարածելով՝ փորձ է արվում հավասարության նշան դնել ՀՀԿ–ի ու ԲՀԿ–ի միջև, որպեսզի հետագայում, եթե հաջողվի «Ավելի լավ Տարոն» օպերացիան կյանքի կոչել ու 40–ից ավել տոկոս «խփել», հայտարարեն, թե բա ինչու եք միայն մեզ մեղադրում։

Դատելով մեր խմբագրության ստացած ահազանգերի ծավալից՝ մայրաքաղաքում երեկ «լռության» սիմֆոնիա էր, այսինքն՝ փող բաժանոցի։

Երևանցիների գործը պետք է լինի իշխանության «իշտահին» քացախ լցնելը և «Ավելի լավ Տարոնը՝ պաշտոնազուրկ Տարոնն է» թեմայով քվեարկություն իրականացնելը։

Ունենք սև–սպիտակ տարբերակ։ Մի կողմում իշխանափոխության ձգտող ԲՀԿ–ՀՅԴ–ՀԱԿ եռյակն է, իսկ մյուս կողմում ՀՀԿ–ն է՝ իր հաճախորդ «Ժառանգությունով» և 2008–ից հետո քաղաքական դիակի վերածված ՕԵԿ–ով։

Րաֆֆի Հովհաննիսյանի բախտը կրկին չբերեց։ Նա այսօր կարող էր հերթական անգամ մոտիկից տեսնել իր սիրելի Սերժ Սարգսյանին, այն էլ՝ Ազատության հրապարակում, բայց ՀՀԿ–ն չեղյալ հայտարարեց նախապես պլանավորած հանրահավաքը:

ՀԱԿ–ի հանրահավաքը ամենաքաղաքականն էր ու ամենաբարձր էներգետիկայովը, «Բարև Երևան» դաշինքինը՝ ամենասակավաթիվը և ամենաձախողվածը, ԲՀԿ–ինը՝ ամենամարդաշատն ու ամենահաղթականը։

Վլադիմիր Գասպարյանը ուժային կառույցի ղեկավա՞ր է, տերտե՞ր, գողակա՞ն, տոկոս «խփո՞ղ», դերասա՞ն, թե՞ բոլորը միասին վերցրած։

Վաղը Ազատության հրապարակում հանրահավաք է անում նաև ՀՀԿ–ն։ Րաֆֆի Հովհաննիսյանի համար բացառիկ հնարավորություն է ստեղծվում գնալ ու հացադուլի վայրում վերջապես հանդիպել Սերժ Սարգսյանին և պահանջել ... աթոռը։

ՀՀԿ–ն Երևանի ավագանու ընտրություններում հանդես է գալիս «Ավելի լավ Երևան» կարգախոսով։ Թե ինչ է դա նշանակում գործնականում, կարելի է հասկանալ Տարոն Մարգարյանի ունեցվածքի հայտարարագրերն ուսումնասիրելով. աճի դինամիկան տպավորիչ է։

Կորյուն Մանուկյան. «Թեև մինչև ապրլի 9–ը իշխանություններին հաջողվեց Րաֆֆի Հովհաննիսյանի միջոցով շոուներ կազմակերպել և շեղել հանրային ուշադրությունը գալիք ընտրություններից, այդուհանդերձ մնացած երեք շաբաթն էլ բավարար եղավ հանրային տրամադրությունները փոխելու և իշխանության ծրագրերը խափանելու համար»։

Սևակ Մինասյան. «Ըստ «սոցիլոգոների» ստացվում է, որ Տարոնը բարձր վարկանիշ ունի գործող նախագահից, իսկ նրա գլխավորած ցուցակը՝ ՀՀԿ–ից։ Այդպես է դա, թե ոչ՝ կորոշի ընտրողը։ Ի վերջո չպետք է մոռանալ, որ ձայն բազմացը՝ «Vox Pop»–ը, պոպկոռն չէ, որ ինչքան ուզես փչես, ու փքվող հատիկների մեջից ավելի լավ Տարոն դուրս գա»։

Սևակ Մինասյան. «Երևանի ավագանու ընտրություններին մասնակցող քաղաքական ուժերը մտնում են քարոզչության եզրափակիչ փուլ։ Այս շաբաթ մենք հանրահավաքային շարքի ականատեսը կլինենք։ Կուսակցությունները կցուցադրեն իրենց «մկանները»։ ԲՀԿ–ն, ՀԱԿ–ը, ՀՀԿ–ն ու «Ժառանգությունը» ապրիլի 30–ից մինչև մայիսի 3–ը «բրոնյա» են արել Ազատության հրապարակը։ Վաղը կլինի ՀԱԿ–ի հանրահավաքը, հաջորդ օրը՝ «ժառանգությանը», մայիսի 2–ին՝ ԲՀԿ–ինը, իսկ քարզչության վերջին օրը՝ ՀՀԿ–ինը»։

Սևակ Մինասյան. ««Օլիգարխների» հետ միասին «բոբոյի» դերում ներկայացնելով կրիմինալին՝ Բաղրամյան 26–ն ընդլայնում է «ժողովրդի թշնամիների» ցուցակը և կրճատում երկրում տիրող սոցիալ–տնտեսական վիճակի համար սեփական պատասխանատվության շրջանակը։ Կրիմինալով ավելի հեշտ է բացատրելը, թե ինչու է ամեն ամիս համալրվում Տիգրան Սարգսյանի սիրած «Հայկական աշխարհը»»։

Վլ. Գասպարյանն իր որոշ քայլերով փորձում է նմանվել իր նախկին ղեկավար, ՆԳ նախարար Վանո Սիրադեղյանին: Կատարում է քայլեր` փորձելով հաճոյանալ հասարակության տարբեր խավերին, դնում է ձևակերպումներ, որոնք վայել են ուժեղ, ինքնուրույն գործչին, փորձում է երևալ կրթված և հումանիստ: Բայց այստեղ կա մի` շատ կարևոր հանգամանք, որ ինքը Վանո Սիրադեղյանը չէ:

Կորյուն Մանուկյան. «Օլիգարխիան բացառապես քաղաքական երևույթ է և վերաբերում է բացառապես քաղաքական իշխանությանը։ Իսկ դա նշանակում է, որ իշխանությունը չի կարող պայքարել օլիգարխիայի դեմ և ցանկանալ իշխանության ու բիզնեսի տարանջատում, քանզի այդ դեպքում գործ կունենանք խարակիրի երևույթի հետ։ Մի հատ վարչապետի դեմքին նայեք. նա պատրա՞ստ է խարակիրիի։ Չեմ կարծում։ Տիգրանն այդքան տարի շարունակ չի կուտակել, որպեսզի խարակիրի անի ու երջանկացնի հայ ժողովրդին»։

Արեգնազ Մանուկյան. «Եթե Գասպարյանն, իրոք, ուզում է պայքարել գողական երևույթների դեմ, ապա պետք է ոչ թե անորոշ հայտարություններ աներ պատգամավորների ու պաշտոնյաների մասին, այլ տար կոնկրետ անուններ, այլապես ստացվում է շոու։ Հանրությունը պետք է տեղյակ լինի, թե այդ ովքեր են ուզում հանցագործների համար միջնորդել։ Հակառակ պարագայում կարելի է կասկածել, որ գործ ունենք ինքնաքարոզչության և «Կոմիսար Կատանի» խաղալու երևույթի հետ»։

Կարեն Հակոբջանյան. «Հետաքրքիր է, թե որտե՞ղ կհայտնվի Րաֆֆիից «զորավար», իսկ Վազգեն Սարգսյանից՝ «ֆիքստուլ» մականունները ստացած Վովա Գասպարյանը Սերժ Սարգսյանի հեռացումից հետո։ Թույլ տանք մեզ կանխատեսել, որ այդ ժամանակ հազիվ թե նրան փրկի «հաչան շունը չի կծում» արտահայտությունը»։