Եթե ժողովրդական ալիքը փոփոխություն իրականացնի երկրում, ապա ես չեմ կարծում, որ որևէ ուժ ունակ կլինի դիմագրավելու, հետևաբար՝ առճակատում կամ ցնցում առաջացնելու։

Կոչ եմ անում համայն հայությանը դուրս գալ պայքարի՝ ընդդեմ չարիքի։ Մեր խոսքը գործ է, գործը՝ արդար։

Գագիկ Ծառուկյանն անշահախնդիր ներդրում է անում, որը ողջունելի է, իսկ դուք ձեր կազմակերպություները լվացքատուն եք սարքել։

Քաղաքականությունից հեռանալու մասին թող մտածեն նրանք, ում բացարձակ մեծամասնությունը չի ուզում տեսնել քաղաքականության մեջ։

Ինձ առաջարկել են նախագահի պաշտոնը՝ Սահմանադրությունը փոխելուց հետո` պայմանով, որ համաձայնեմ իր իշխանության վերարտադրությանը։ Կտրականապես մերժեցի այս հակապետական մոտեցումը։

Եթե պետք լինի այն առաջին զոհը մեր հասարակության մեջ՝ ինչ–որ բան փոխելու համար, ես պատրաստ եմ։ Չեն կարող ճղճիմ, մանր մեթոդներով ազդել իմ գործունեության սահմանափակման վրա:

Տիգրան Սարգսյանն իմ ունեցածը տարել դրել է իր հաշվին, հետո դուրս է գրել ու իր համար տուն, մեքենա է առել։

Հայաստանի իշխանությունների համար որպես գերխնդիր երբեք չի դիտարկվել ազգային ու պետական շահը։ Անձնական ու կլանային շահերը գերադասվել են ազգային ու պետական շահերից։

Կուրորեն մոլուցքը՝ մնալ իշխանության և վերարտադրվել, շատ ավելին է գործող իշխանության մոտ, քան թե Հայաստանի, Արցախի անվտանգությունը։

Հավերժ ոչինչ չկա. իշխանություններն ինչքան մնում են, այնքան վտանգում են իրե՛նց կարգավիճակը։ Ինչքան շուտ այդ հանգույցը լուծվի, այնքան ավելի հեշտ կլինի երկիրը կարգի բերել։

Ինչ որ Գագիկ Ծառուկյանը հայտարարել է, մենք այդ վեկտորով գնում ենք. եթե մենք շեղվենք, լուրջ վարկանշային կորուստ կունենանք, բայց մենք պատասխանատվություն ունենք երկրի նկատմամբ։

Դժվար է առողջ դատող մի մարդ գտնել, ով համաձայն չլինի իշխանափոխության հետ. միակ տարակարծությունը կարող է լինել, թե ինչ ձևով դա իրագործել:

Որքան դա զվարճալի է, նույնքան ողբերգական է, որ, ասենք, երկրի գլխավոր գերագույն հրամանատարը, այդ պաշտոնը զբաղեցնող մարդն իրեն չի զգում այդ պաշտոնում։

2015 թվականը լինելու է կոնկրետ գործողությունների տարի: Այդ գործողություններին էլ պետք է հաջորդեն այն փոփոխությունները, որոնց ժողովուրդն օր առաջ է սպասում:

Հավատացե՛ք, որ այսօրվա բոլոր ողբերգությունների հիմնական պատճառը՝ թե՛ սահմանում տեղի ունեցող, թե՛ երկրի ներսում, պայմանավորված է հենց Հանրապետական կուսակցությամբ։

Որևէ կոնկրետ հարցադրման որևէ կոնկրետ պատասխան չտրվեց, և այսօր, ինչպես և 9 օր առաջ, մենք ունենք շատ ավելի մեծ հարցեր և հարցականներ, քան որևէ կոնկրետ հարցի պատասխան։

Այլ բան մեզ չի մնում անելու, քան բողոքի ցույցերով, բողոքի ակցիաներով ցույց տալ, հասկացնել, վեր հանել ճշմարտությունը, և ասել, որ մենք պահանջատեր ենք։

Միակ ելքն իշխանափոխությունն է, և թեև կատարվել է ողբերգություն, չպետք է մոռանանք, որ միայն իշխանափոխության շնորհիվ երկիրը կդառնա նորմալ երկիր, և քաղաքացին կլինի պաշտպանված։