Բացակայում են հստակ մեխանիզմները՝ պարզելու հայ-ադրբեջանական սահմանին և շփման գծում էսկալացիայի սկզբնապատճառները։

Ռոբերտ Քոչարյանն իր «ոչ»-ն այս իշխանություններին ասել է դեռ 2008թ.։ Երբ Սերժ Սարգսյանը սկսեց ֆուտբոլ խաղալ, Քոչարյանը հայտարարեց՝ ինքը դա չէր անի: Միշտ քննադատել է այս իշխանությունների տնտեսական քաղաքականությունը:

Մոսկվան կոչ է անում ԼՂ հակամարտության կողմերին հրաժարվել ուժ կիրառելուց և քաղաքական կամք ցուցաբերել փոխհամաձայնության հասնելու համար։

Անհանգստացած ենք տարածաշրջանում և հայ–ադրբեջանական սահմանին բռնության աճով։ Հարկ է աշխատել քաղաքական ղեկավարության հետ։ Հանդիպում է հնարավոր աշնանը։

Որևէ կուսակցության ներքին պրոցեսները, քաղաքական մանր ինտրիգները Գագիկ Ծառուկյանի հետաքրքրության շրջանակներից դուրս են։ Նա մշտապես բարձր է գնահատել Էլինար Վարդանյանի մարդկային ու մասնագիտական որակները:

Ռուսաստանի օդային հարվածները մի քանի օրվա ընթացքում շատ բարձր արդյունքներ են տվել, որոնք մի քանի անգամ գերազանցել են ավելի քան մեկ տարվա ընթացքում կոալիցիայի իրականացրած գործողությունները։

Միշտ դեմ եմ եղել, որ որ Թուրքիան Եվրամիության լիիրավ անդամի կարգավիճակ ստանա և շարունակում եմ մնալ այդ կարծիքին։

Հայաստանին անհրաժեշտ չէ նոր Սահմանադրություն: Անհրաժեշտության բացակայությունը հիմնավորվում է նաև նրանով, որ չի գործում այժմ գործողության մեջ գտնվող Սահմանադրությունը:

Ինչ վերաբերում է քվեարկություններին, ապա ՀՀ Սահմանադրության համաձայն՝ ես առաջնորդվում եմ իմ խղճով և համոզմունքներով:

Նոր իրավիճակում Ռոբերտ Քոչարյանը կարող է 2017թ. իր գլխավորած ցուցակով մասնակցել խորհրդարանական ընտրություններին, փորձել ստանալ ժողովրդի քվեն և ստանձնել երկրի փաստացի ղեկավարի պաշտոնը:

Ես այդպիսի ապագա իմ երկրին չեմ ցանկանում, դրա համար էլ միանշանակ դեմ եմ արտահայտվում այս փոփոխություններին: Կատարվում է մի մեծ սխալ, որի հետևանքները ծայրահեղ վտանգավոր են Հայաստանի ապագայի համար:

Իշխանությանն անհանգստացնում է այն հանգամանքը, որ մարդիկ գնալով շատանում են։ Փորձում են սահմանափակել ազատությունը` ուժ կիրառելով, վախի մթնոլորտ ստեղծելով, սակայն դա միշտ էլ հակառակ էֆեկտն է թողնում։

Բերման ենթարկելով փորձել են ժողովրդին վախեցնել կամ պատժել (կարելի է ենթադրել, որոշ մտավոր հետամնացներ մտածում են՝ դրանով կարելի է ժողովրդին վախեցնել): Հետագայում ներկայացված իրավական հիմքերը մտացածին էին։

Ընդամենը մի քանի հարյուր հոգով հավաքվել ենք, արդեն ամբողջ Բաղրամյանում ոստիկանություն է։ Ես համոզված եմ՝ եթե մենք դառնանք 50 հազար, ապա իրենց 15–հազարանոց ոստիկանությունն էլ չի աշխատի։

ՀԷՑ–ում անցկացվող աուդիտն անիմաստ է, որովհետև որևէ մեկը պատասխանատվություն չի կրելու։ Տեղի է ունեցել թալան:

Ինչպես գողը չի կարող ոստիկանության համար օգնական դառնալ, այնպես էլ ահաբեկչությանը սատարող դաշինքը չի կարող նպաստել ահաբեկչությունն արմատախիլ անելուն։ Պետք է դադարեցնել ահաբեկիչներին տրամադրվող օգնությունը։

Ոչ թե պետք է սահմանադրական փոփոխություններ կատարել, այլ նրանց, ովքեր փորձում են Սահմանադրությունը փոխելով՝ սահմանադրականության հիմքերը խարխլել, ուղեղն է պետք փոխել։

Ադրբեջանին ձեռնտու չէ ստատուս քվոն։ Բայց պատերազմը Ադրբեջանի համար մեծ ռիսկ է, քանի որ նա այնքան ռազմական պոտենցիալ չունի, որ լայնամասշտաբ ռազմական գործողություններ սկսի: