Կարեն Հակոբջանյան. «Եթե ԲՀԿ ղեկավարը դներ իր թեկնածությունը գալիք նախագահական ընտրություններում, ապա «Հանրապետություն» կուսակցության համագումարն այսօր այլ սցենարով կընթանար, իսկ Արամն էլ բոցաշունչ ելույթ կունենար ու կառաջադրվեր որպես նախագահի թեկնածու՝ ստանձնելով Արտաշես Գեղամյանի դերը։ Փաստորեն, Արամը Բաղրամյան 26–ին, հիմա նույնիսկ որպես Գեղամյան չի հետաքրքրում»։

Կարեն Հակոբջանյան. «ԱԺ պատգամավոր Մհերի պահվածքը «ֆեյսբուքում» հանրահավաքային ալիք բարձրացրեց։ Հաշվի առնելով այն հանգամանքը, որ լրագրողի համար, բացի անկեղծ վրդովվածներից, «դոշ» էին տալիս ու բոցաշունչ տեքստեր գրում նաև հայտնի շրջանակների շահերը ներկայացնող «վրդովվածները»՝ կարող ենք ասել, որ «ֆեյսբուքային հանրահավաքն» արտոնված էր»։

Կորյուն Մանուկյան. «Փաստորեն, Բագրատյանը չէր կատակում, երբ ամիսներ առաջ նշում էր, թե պատրաստ է ծառայել Սերժ Սարգսյանին (անգամ պահակի դերում), եթե տեսնի, որ նախագահը լավ բան է ուզում անել։ Հիմա երևի Սարգսյանն այդ լավ բանը Բագրատյանի համար արել է և վերջինս որոշել է սառեցնել հարաբերությունները ՀԱԿ–ի հետ ու ապահովել նախագահական ընտրությունների բազմերանգությունը, եթե, իհարկե, Տեր–Պետրոսյանը չփչացնի այդ «գյոզալական» սցենարն ու որոշի առաջադրվել»։

Կարեն Հակոբջանյան. «Նրանք, ովքեր հիացած են Սարգսյանի նոր կարգախոսով և հավանել են նրա ելույթը, և նրանք, ովքեր ԶԼՄ–ները վերածել են զանգվածային մանիպուլյացիայի միջոցի, ոչ պակաս պատասխանատվություն են կրում ներկա վիճակի համար և արժանի են ոչ պակաս քննադատության, քան դեպի շվոնդերական Հայաստան տանող «մեծ» առաջնորդը»։

Կորյուն Մանուկյան. «ՀՀԿ–ի համագումարում Սերժ Սարգսյանը հայտարարեց, թե իրենք պատրաստվում են վերջնախաղի։ Թե ում դեմ է այդ վերջնախաղը, կարելի է գլխի ընկնել տնտեսական ցուցանիշներին և արտագաղթի թվերին հետևելով։ Դե հիմա եկեք տեսնենք, թե ինչ քայլերի է դիմել ՀՀԿ ղեկավարը վերջնախաղից առաջ»։

ՀՀԿ 14-րդ արտահերթ համագումարում Մեծ առաջնորդի ելույթից հետո աշխատավորական կոլեկտիվներից բազմաթիվ նամակներ են ստացվել։ Մարդիկ իրենց հիացմունքն են արտահայտում առ այն, որ վաղը չէ մյուս օրն արդեն ապահով Հայաստան են ունենալու։

Կարեն Հակոբջանյան. «Տարոնի աներորդին Սերժ Սարգսյանի նախագծած նոր հայն է։ Ճիշտ է, Ռոբերտ Սարգսյանը բերանը չբացեց նախընտրական արշավի ժամանակ, իսկ բացելուց հետո բոլորն այն կարծիքին էին, որ ավելի լավ է չբացեր, բայց այդ երիտասարդն ունեցավ այնպիսի թռիչք, որի մասին խոսում էր ՀՀԿ առաջնորդը։ «Անլեզու» պատգամավորի առկայությունը խորհրդարանում արդեն իսկ համոզում է բոլորիս, որ սա Հայաստան է և վերջ»։

Կորյուն Մանուկյան. «Հունգարիայի կողմից մարդասպան Ռամիլ Սաֆարովի արտահանձնումից հետո Սերժ Սարգսյանը խորհրդակցություն հրավիրեց, մի լավ բողոքեց «էս անիրավ աշխարհից» ու վերջում Գորիկ Գուրգենիչին խնդրեց մնալ, քանզի «հատուկ հանձնարարություն» ուներ տալու։ Ժամանակը գնում է, բայց «հատուկ հանձնարարության» արձագանքներն այդպես էլ չեն լսվում, սակայն պարզվեց՝ գաղտնալսվում են Բաղրամյան 26-ին անհանգստացնող քաղաքական գործիչների առանձնազրույցները»։

Կարեն Հակոբջանյան. «ՀՅԴ–ականների խորհրդարանական ակտիվությունը բոլորիս համոզեց, որ նրանք, իրոք, կարևորը երկրորդականից տարբերել գիտեն։ Երկրորդականը նրանց համար իշխանափոխությանը, հայ–թուրքական հարաբերություններին և պետական կառավարման համակարգին վերաբերող հարցերն են, իսկ ահա էթիկայի հանձնաժողովի կազմը չափազանց կարևոր հարց է ՀՅԴ–ի համար և նրանք լեզվակռվի մեջ էին բոլշևիկյան մտածողություն ցուցաբերող ՀՀԿ–ականների հետ»։

Կարեն Հակոբջանյան. «Ըստ ամենայնի՝ Սերժ Սարգսյանն ի՛ր «1984»–ն է ուզում ունենալ և առաջնորդվել Օրուելի ներկայացրած «Մեծ եղբայրը հետևում է քեզ» կարգախոսով։ Սարգսյանինը մի փոքր է տարբերվում այդ կարգախոսից և ունի հետևյալ տեսքը՝ «Մեծ եղբայրը գաղտնալսում է քեզ»»։

Կորյուն Մանուկյան. «Ե՛վ դեկտեմբերի 8–ի, և՛ դեկտեմբերի 15–ի հանդիպումները ձեռնտու էին բացառապես Սերժ Սարգսյանին և ենթադրաբար՝ անձամբ Հրանտ Մարգարյանին (թերևս ՀՅԴ վերնախավը ներկայացնող մեկ–երկու հոգու ևս), ինչպես որ «ֆուտբոլային» դիվանագիտությունը ձեռնտու էր Թուրքիային ու անձամբ Սերժ Սարգսյանին (թերևս իշխանական նեղ շրջանակը ներկայացնող մեկ–երկու հոգու ևս)»։

Կարեն Հակոբջանյան. «Ո՞վ չգիտեր, որ Նիկոլ Փաշինյանը վաղուց իշխանության օգտին է խաղում և ՀԱԿ–ում «ականի» ֆունկցիա է կատարում՝ կեղծ սրտացավություն ցուցաբերելով ՀԱԿ–ի համար և ներսից փորձելով քանդել այդ կառույցը։ Ի դեպ, Ծառուկյանի չառաջադրվելուց հետո Նիկոլի ով լինելն ավելի ցայտուն դարձավ ու հիմա բոլորին է տեսանելի այն, ինչի մասին Զուրաբյանը խոսել է Օսկանյանի հետ»։

Կարեն Հակոբջանյան. «Շատերը ՀՀԿ շաբաթօրյա համագումարը համեմատում են բրեժնեվյան տարիների ՍՍՀՄ–ում անցկացվող համագումարների հետ։ Ասեմ, որ նրանք սխալվում են, քանի որ չեն տեսել, թե ինչ է կատարվում միջինասիական պետություններում՝ Թուրքմենստանում, Ղազախստանում, Ուզբեկստանում և Տաջիկստանում»։

Կարեն Հակոբջանյան. «Չէին հասցրել, սակայն, միշիկականները մի լավ տժժալ ու կանխավայելել սեփականության վերաբաշխման հաճույքը, երբ պարզ դարձավ, որ ամեն ինչ այդքան էլ միանշանակ չէ։ Բանն այն է, որ Սերժ Սարգսյանը կարող է «բարի քննիչ» Ծառուկյանի փոխարեն մրցամարտի դուրս գալ «ջղային քննիչ» Լևոն Տեր–Պետրոսյանի դեմ»։

Կորյուն Մանուկյան. «ԲՀԿ–ի՝ քաղաքական առումով սխալ որոշումից հետո, նախագահական նստավայրում հիմա երկու խնդիր են ուզում լուծել՝ 1.ամեն ինչ անել, որ գալիք նախագահական ընտրություններում հնարավորինս շատ մարդ առաջադրվի և 2.ամեն ինչ անել, որ այդ առաջադրվողների մեջ Լևոն Տեր–Պետրոսյանը չլինի»։

Կորյուն Մանուկյան. «Իշխանության գործուն միջամտության հետևանքով հիմա մենք ունենք «Կոնսենսուս մինուս Սերժ Սարգսյան» վիճակից «Լևոն Տեր–Պետրոսյան մինուս կոնսենսուս» վիճակ։ Այսինքն՝ Իջևանում կոնսենսուսի եկած ուժերից ԲՀԿ–ն դուրս է եկել պայքարից, իսկ ՀՅԴ–ն ու «Ժառանգությունը» հայտնվել են իշխանական տիրույթում՝ կոնսոլիդացվելով Սերժ Սարգսյանի շուրջը։ Մնացել է միայն ՀԱԿ–ը»։

Վերջին շրջանի զարգացումները ցույց տվեցին, որ իրենց ընդդիմադիր ներկայացնող որոշ ուժեր իշխանությունների հետ սեպարատ պայմանավորվածությունը գերադասում են «Կոնսենսուս մինուս մեկ»–ից, այսինքն՝ առաջնորդվում են ««Նաղդ» գործարքը «նիսյա» պայքարից լավ է» սկզբունքով։ Այդ պայմաններում ԲՀԿ առաջնորդին այլ բան չէր մնում, քան երգով նահանջելը (մարդուն չի կարելի մեղադրել արյունահեղության գնով իշխանափոխության գնալու պատրաստակամություն չցուցաբերելու համար)։ Դա, իհարկե, թույլ քայլ էր, բայց ...

Կորյուն Մանուկյան. «Շաբաթ օրը ՀՅԴ–ի հետ հանդիպումից հետո Ծառուկյանի հետ «ռազբորկայի» պատրաստվող Սերժ Սարգսյանին պետք էր նախապես մեսիջ ուղարկել ԲՀԿ–ին ու հանրությանը, որ ՀՅԴ–ն մաս չի կազմելու այն ձևաչափին, որտեղ կա ԲՀԿ–ն։ Ահա ա՛յդ հարցին է համաձայնություն տվել ՀՅԴ–ն Սարգսյան–Ծառուկյան փակ հանդիպումից առաջ։ Մնացածը հռետորաբանություն է և քարոզչություն»։