Վարդան Օսկանյան. «Կազմել նոր կառավարություն, որը կունենա հասարակության լայն շերտերի աջակցությունը, կկարողանա իրականացնել խորքային բարեփոխումներ և լուծել ժողովրդի առաջ ծառացած խնդիրները»։

Դերենիկ Մալխասյան. «Գործնականում անհնար և չհիմնավորված պահանջ դնելով՝ ըստ էության, «Ժառանգությունը» փորձում է լքել կամ արդեն լքել է ՀՀԿ–ի մենաշնորհը վերացնելու ուղի բռնած նավը՝ հավանաբար ազատ և արդար ընտրությունների անցկացումը վստահելով ՀՀԿ-ին, առավել ևս, որ իրենց ցուցակում գտնվող Թևան Պողոսյանի հետ սերտ կապեր ունեցող Սերժ Սարգսյանի փեսա Միքայել Մինասյանն արդեն խոստացել է որակյալ հեղափոխություն»։

Հարութ Սասունյան. «Միայն դիվանագիտական լուրջ փորձ ունեցող Հայաստանի պաշտոնատար անձինք և վստահելի սփյուռքի ղեկավարները պետք է բանակցեն խորամանկ և հմուտ թուրք դիվանագետների հետ»։

«Այսօր մեր բոլոր ձախողումների ու թերացումների հիմքում քաղաքական մենաշնորհն է, որից ծնվում են տնտեսական մենաշնորհը և կոռուպցիան: Միայն քաղաքական հակակշիռների առկայության և մենաշնորհի բացակայության դեպքում մենք կկարողանանք հասնել հաջողությունների»։

Տիգրան Գրիգորյան. «Սերժ Սարգսյանի նախագահության առաջին տարիներից ի վեր երկրում երկրորդ սերնդի բարեփոխումների կուրս է հռչակված: Հինգ տարիների ընթացքում այս քաղաքական կուրսի իրագործումը չի ապահովել տեսանելի որակական աճ երկրի կրթության ու գիտության, երիտասարդության, տնտեսության, սոցիալական ապահովության և այլ ռազմավարական նշանակություն ունեցող բնագավառներում»։

Վարդան Օսկանյան. «Անհրաժեշտ է նախ ազատ և արդար ընտրությունների արդյունքում ստեղծել նոր կառավարություն, որտեղ ներգրավված կլինեն պրոֆեսիոնալներ՝ ունակ ճիշտ կանխատեսումներ անելու, ստեղծագործական միտք բանեցնելու, մեծ ծրագրեր իրականացնելու և երկիրն արտաքին աշխարհի համար բացելու»։

Էդիկ Անդրեասյան. «Սերժ Սարգսյանը հանկարծ ասաց`«ՕԵԿ-ը ցույց տվեց, որ քաղաքականությունը բարոյականություն է»: Դե ուրեմն թող դուրս գա ՀՀԿ-ից ու մտնի ՕԵԿ: Ինչո՞ւ չի անում այդ: Ժպտո՞ւմ եք…»։

Լիլիթ Գալստյան. «Ցավոք Վեհաժողովը սկսվեց մի հայտարարությամբ, որով ոչ միայն խեղաթյուրվում էր առկա իրավիճակի օբյեկտիվ նկարագրությունը, այլ նաև կասկածի տակ էր դրվում ԼՂՀ հակամարտության կարգավորման բանակցային գործընթացը, ինչպես նաև ի չիք դարձնում Եվրանեսթի Պառլամենտական վեհաժողովի ջանքերը»։

Դերենիկ Մալխասյան. «Ընտրություններից հետո, երբ կրիմինալն ու փողը իրենց գործն արած կլինեն, նոր թափով կարելի է սկսել «նոր սերնդի» և երիտասարդ բարեշրջչիների քարոզը, իսկ «ավազակ, ծեր բարոններից» ոմանց հնարավոր կլինի հռչակել անհանդուրժելի և անընդունելի»։

Հարութ Սասունյան. «Զավեշտալի է, որ մարտի 26–ին Թուրքիայի վարչապետի հետ հանդիպումից հետո նախագահ Օբաման հայտնեց մամուլին. «Ես շնորհավորեցի վարչապետին Թուրքիայում կրոնական փոքրամասնությունների իրավունքները պաշտպանելուն ուղղված նրա ջանքերի համար»»։

Հրանտ Բագրատյան. «Իսկ հիմա հարգելի ՀՀԿ-ականներ նայեք ձեր ցուցակը։ Հասկացա՞ք։ 18-րդ համարը Խոսրով Հարությունյանն է։ Ամենամեծ անկում թույլ տված մարդը»։

Շավարշ Շահբազյան. «««Նժդեհական» ենք,- գոռում են այսօրվա մեր իշխանություն կազմած կուսակցականները: Տեղյա՞կ են թե ինչ է նշանակում «նժդեհական», հոգով ճանաչո՞ւմ են Նժդեհին: Կասկածում եմ: Ես կասեի «հականժդեհական»: Ինչո՞ւ: Խորհենք միասին»

Հարութ Սասունյան. «Մարտի 14-ին Պատրիարքարանի կողմից ներկայացված դատի պահանջն է վերադարձնել Կարինում (Էրզրումում) գտնվող Սանասարյան վարժարանին պատկանող հայկական կալվածքները...»։

«Խորհրդարանական ընտրություններից առաջ Գյումրիում մեծամասնական կարգով առաջադրվող ՀՀԿ-ական կամ ՀՀԿ-ի կողմից սատարվող պատգամավորության թեկնածուների կազմին ծանոթանալուց հետո պարզ է դառնում, որ այս կուսակցությունը Շիրակի մարզում լուրջ կադրային ճգնաժամի մեջ է»։

Գեղամ Նազարյան. «Առաջին կարեւոր քայլն անելու համար մեզ ընդամենը պետք է անցկացնել այնպիսի ընտրություն, որի արդյունքում ձեւավորվի օրինական խորհրդարան եւ օրինական կառավարություն»։

Էդիկ Անդրեասյան. «Թող ուրեմն այդ մեկն էլ հավատա, որ փոխի, եթե, իհարկե, հասկացել է, թե ինչին պետք է հավատա և ինչը պետք է փոխի, եթե, իհարկե, կարողանում բացատրել, թե ինչու 14 տարի շարունակ ՀՀԿ-ն չի հավատացել ու չի փոխել:»։

Րաֆֆի Հովհաննիսյան. «Եվ հարկ չէր լինի հացադուլ անել կամ ըմբոստանալ, եթե պետական պաշտոնյան համեստ ու զուսպ լիներ մի փոքր, իսկ ժողովրդի մի մեծ զանգված չտառապեր աղքատության ճիրաններում»։

Վահե Սարգսյան« Վերջապես մենք` ջավախահայերս, երբ ենք ունենալու գաղափարական համախմբվածություն, համախմբվելու ոչ թե փողի կամ որոշ մարդկանց անձնական քմահաճությունների, այլ արժեքների շուրջ: Էլի՞ ՀՀԿ-ին միանալ, հանո՞ւն…»։