Իտալիայի Սուպերգավաթի եզրափակիչում Միլանի «Ինտերի» ֆուտբոլիստներից ամենաբարձր գնահատականները ստացել են Հայաստանի հավաքականի նախկին ավագ, կիսապաշտպան Հենրիխ Մխիթարյանը և աշխարհի չեմպիոն Արգենտինայի հավաքականի հարձակվող Լաուտարո Մարտինեսը։

Չեմպիոն «Նապոլիի» դեմ եզրափակիչում երկու խաղացողների գործողություններն էլ գնահատվել են հավասար՝ 7 գնահատականով fcinternews.it-ի կողմից։

Իտալացի Սիմոնե Ինձագիի գլխավորած թիմը հաղթել էր 1:0 հաշվով ավելացված ժամանակում Լաուտարո Մարտինեսի խփած գոլի շնորհիվ։

«Ինտերը» երրորդ տարին անընդմեջ նվաճեց Իտալիայի սուպերգավաթը։

Աղբյուրը` sport.news.am