Finnair և easyJet ավիաընկերությունների չվերթներից երկուսի օդաչուներն ուղևորներին ուշագրավ անակնկալ են մատուցել՝ հնարավորություն տալով պատուհանից հետևել բնության ամենագեղեցիկ երևույթներից մեկին՝ հյուսիսափայլին:

Ինչպես գրում է washingtonpost.com-ը, խոսքը Finnair-ի՝ կիրակի Կուսամոյից դեպի Հելսինի ուղևորվող և easyJet-ի՝ երկուշաբթի Ռեյկյավիկից դեպի Մանչեսթեր ուղևորվող ինքնաթիռների մասին է:

Օդաչուները հատուկ մեկ պտույտ ավելի են կատարել, որպեսզի բոլոր ուղևորները սքանչելի տեսարանը վայելելու հնարավորություն ունենան:

Ուղևորները գնահատել են օդաչուների այս քայլը՝ սոցկայքերում հրապարակելով ինքնաթիռի պատուհանից արված տպավորիչ կադրերը:

«Երբևէ մեծագույն օդաչուն շրջել է ինքնաթիռը, որպեսզի բոլոր ուղևորները կարողանան տեսնել հյուսիսափայլը»,-գրել է ուղևորներից մեկը: