Ադրբեջանում երկար մտորումներից հետո որոշել են Հայաստանից փոխհատուցում պահանջել «շրջակա միջավայրի ոչնչացման համար»։

«2023 թվականի հունվարի 18-ին Ադրբեջանը նախաձեռնել է «Եվրոպայում վայրի կենդանական և բուսական աշխարհի և բնական միջավայրի պահպանության մասին» առաջին միջպետական արբիտրաժային գործընթացը՝ համաձայն Բեռնի կոնվենցիայի»,-հայտնում են ադրբեջանական լրատվամիջոցները՝ հղում անելով ԱԳՆ-ին։

«Ինչպես նշվում է, այս պատմական արբիտրաժային գործի նպատակն է Հայաստանին պատասխանատվության ենթարկել շուրջ 30 տարի Ադրբեջանի միջազգայնորեն ճանաչված տարածքների ապօրինի օկուպացիայի ընթացքում Ադրբեջանի շրջակա միջավայրի և կենսաբազմազանության լայնածավալ ոչնչացման համար: Ադրբեջանը կոչ է անում միջազգային հանրությանը դատապարտել Հայաստանին՝ օկուպացիայի ժամանակ աշխարհի ամենահարուստ և կենսաբազմազան էկոհամակարգերից մեկի ոչնչացման համար։ Արբիտրաժային գործընթացի շրջանակներում Ադրբեջանը Հայաստանից պահանջում է վերջ դնել Բեռնի Կոնվենցիայի բոլոր շարունակվող խախտումներին և Ադրբեջանին լիարժեք փոխհատուցում վճարել օկուպացիայի տակ գտնվող տարածքների շրջակա միջավայրի ոչնչացման համար»,-նշում են ԶԼՄ-ները։

Աղբյուրը՝ news.am