Ընդունելով ՍԴ դիմելու ՀԱԿ նախաձեռնության հիմնավորումները, փաստարկները, հասարակական տրամադրությունները՝ ոչ մի հույս չունեմ, որ այս հարցով ՍԴ–ն կկայացնի անկողմնակալ, լուծում պարունակող որոշում։

Պետք է ձևավորել այնպիսի օրակարգ, որը կկոնսոլիդացնի հասարակական և քաղաքական դաշտի զգալի մասին, և միաժամանակ այդ համախմբումը կկարողանա հրապարակ դուրս բերել տասնյակ հազարավոր մարդկանց:

Չի բացառվում, որ Սու-24-ը խոցելով՝ թուրքական ղեկավարությունում ինչ–որ մեկը ցանկացել է «լիզել ամերիկացիների համապատասխան տեղը»։ Բայց չգիտեմ՝ հարկավո՞ր է դա ամերիկացիներին։

Վաշինգտոնը հարգում է Իրաքի ինքնիշխանությունը և նույնն էլ խորհուրդ է տալիս անել Անկարային։ Կոչ ենք անում Թուրքիայի իշխանություններին դուրս հանել թուրքական զորքերն Իրաքի տարածքից։

ՌԴ–ի հետ հարաբերություններին վերջակետը Թուրքիան դրել է նույնիսկ ոչ այն ժամանակ, երբ խոցեց ռուսական Սու-24 ինքնաթիռը, այլ երբ հրաժարվեց ներողություն խնդրել դրա համար և պատժել մեղավորներին։

Համահայաստանյան կտրվածքով «ոչ»-ը հաղթել էր: Հայաստանում, ինչպես և Ռուսաստանում, իշխող կուսակցություն գոյություն ունի, որը փաստորեն յուրացրել է իշխանությունը: Դրա անդամն է նաև Սերժ Սարգսյանը:

Հարկ է լսել Լեռնային Ղարաբաղի ամբողջ բնակչության ձայնը, ինչը և անում են ԵԱՀԿ Մինսկի խմբի համանախագահները։

Ահաբեկչության թեման ավելի ընդարձակ է, քան սիրիական խնդիրը։ ԻՊ–ն արդեն արմատներ է գցել Իրաքում, Լիբիայում, անհանգստություն է առաջացնում Եմենում ու Աֆղանստանում տիրող դրությունը։

ՌԴ–ն և ԱՄՆ–ը կարող են ընդհանուր լեզու գտնել՝ չնայած առկա տարաձայնություններին։ Առաջարկում եմ շարունակել «շփման կետերի որոնումները»։

ԱՄՆ–ը սեղմում է ԻՊ–ի սիրտը և «վիրահատական հարվածներ» հասցնում նրա առաջնորդներին ու դիրքերին։ Մեր ուղերձն ԻՊ ղեկավարներին՝ դուք հերթի մեջ եք։

Դեկտեմբերի 6-ի հանրաքվեի անաչառ անցկացմանն ուղղակիորեն միջամտած անձանց մասին հրապարակումներում տեղ գտած տեղեկությունները կարող են նաև կիրառվել ԱՄՆ դեսպանատան կողմից։

Ամբողջովին նենգափոխել են քվեարկության արդյունքները, թույլ չեն տվել, որպեսզի տեղի ունենա հասարակության ազատ կամարտահայտում: Պաշտոնապես հայտարարված արդյունքները զուրկ են լեգիտիմությունից:

ՌԴ–ն զենք է մատակարարում Սիրիայի Արաբական Հանրապետության օրինական իշխանություններին՝ միջազգային իրավունքի համապատասխան։

2016թ. Հայաստանի համար Համաշխարհային բանկը 2.2% տնտեսական աճ է կանխատեսում։ 2017թ. համար՝ 2.7%։

ԱՄՆ գնահատականով՝ ԻՊ–ն ավելի քան 500 մլն դոլարի եկամուտ է ստացել սև շուկայում նավթի վաճառքից, 500 մլն–ից մինչև 1 մլրդ դոլար հափշտակել Իրաքի և Սիրիայի բանկային պահոցներից, միլիոնավոր դոլարների թալան իրականացրել։

Սերժ Սարգսյանը վերարտադրվելու այլ ճանապարհ չուներ՝ Սահմանադրություն փոխելուց բացի: ՀՀԿ-ում երկրորդ մարդ չկա, միայն կա մեկ մարդ՝ Սերժ Սարգսյան, և նա քաղաքականությունից կհեռանա ոտքերն առաջ:

ԱՄՆ պետդեպն անընդունելի է համարում ԼՂ հակամարտության գոտում վերջին օրերին լարվածության ավելացումը և ծանր տեխնիկայի կիրառումը։ Երկու կողմերին կոչ ենք անում խստորեն պահպանել հրադադարի ռեժիմը:

Հնարավոր խախտումների մասին տեղեկությունները խորապես մտահոգել են մեզ և քվեարկությանը մասնակցած բազմաթիվ քաղաքացիների, ինչպես նաև առաջացրել են առանձին քաղաքական ուժերի ու միջազգային որոշ գործընկերների անհանգստությունը: