7/07 ընտրական տեղամասում ներկա դիտորդները և վստահված անձինք կանխել են կրկնակի քվեարկության փորձը

Վայքի Մարտիրոս և այլ գյուղերի հանրապետական գյուղապետերը ընտրատեղամասերում հանդես են գալիս որպես վստահված անձ։ Այս մասին հայտնել է Վայքի շտաբի պատասխանատու Գևորգ Մարգարյանը։ Մարգարյանը հայտնել է նաև, որ ՀՀԿ–ական գյուղապետերն ուղղորդում են մարդկանց, թե ում օգտին է պետք քվեարկել։

«Թիվ 24-34 ընտրատեղամասում (Մարտունու շրջան, Ծովինար գյուղ) թեկնածու Հակոբ Հակոբյանի կողմնակիցները եւ հարազատները տեղամասում կանգնած ստիպում են գյուղացիներին բաց քվեարկել, ցույց տալ քվեաթերթիկը, իսկ նրանց, ովքեր փորձում են քվեարկել ուրիշի օգտին, խոչընդոտում են քվեարկությանը: Հանձնաժողովի անդամները եւ իրավապահները որեւէ ձեւով չեն արձագանքում»:

Այս պահի դրությամբ քվեարկությանը մասնակցել է ընտրողների 35,54 տոկոսը, այսինքն 896 հազար 568 մարդ:

Ընտրությունների հանրային վերահսկողության միասնական շտաբը տեղեկանցնում է, որ ժամը 16:30-ին ՀՀ Քաղաքագետների միության կենտրոնական գրասենյակի նիստերի դահլիճում տեղի կունենա շտաբի աշխատակազմի հանդիպումը ՀՀ առաջին նախագահ, Հայ Ազգային Կոնգրեսի առաջնորդ Լևոն Տեր-Պետրոսյանի հետ:

ՀՀ դատական դեպարտամենտը տեղեկացնում է, որ 2012թ. մայիսի 6-ին, ժամը 08:00-ից մինչև 15:00-ը Հայաստանի Հանրապետության ընդհանուր իրավասության դատարաններում ընտրողների ցուցակների ճշգրտման վերաբերյալ ստացվել է 9 հայցադիմում:

Թիվ 11 ընտրատարածքում 08 ընտրատեղամասի հանձնաժողովի նախագահ Գագիկ Գրիգորյանը չի թույլատրում գրանցումներ կատարել ընտրախախտումների մատյանում։

Մայիսի 4-ին երեկոյան Հանրապետության հրապարակում տեղի ունեցած արտակարգ պատահարից տուժած 154 քաղաքացիներից այսօրվա` մայիսի 6-ի, ժամը 14:00-ի դրությամբ, Երևանի բժշկական հաստատություններում բուժում է ստանում 78 քաղաքացի, որոնցից 17-ը գտնվում է վերակենդանացման բաժանմունքներում:

Շենգավիթում` 11-րդ ընտրատարածքում, 2 գծի երթուղայիններ չեն աշխատում` 8 և 82 համարները (82 համարը պատկանում է Սամվել Ալեքսանյանին). երթուղային տաքսիները զբաղված են ընտրողներին ընտրատեղամասրե բերելով:

Սպարտակ Սեյրանյան. ««Ժառանգություն» կուսակցության նախընտրական շտաբի ղեկավար Վահան Մխիթարյանի հայտարարությունն այն մասին, թե ՀՅԴ–ն Վանաձորում ընտրակաշառք է բաժանում, կեղծ է։ Ես դա գնահատում եմ որպես պրովոկացիա և ընտրական օրենսգրքի կոպտագույն խախտում»

Շտաբի համակարգող Հմայակ Հովհաննիսյանը հայտարարել է.«Շտաբն օգտագործելու է բոլոր շանսերը, որպեսզի հետընտրական ցնցումներ չլինեն, և ապահովված լինի ընտրությունների հեղինակությունը»։

31/18 ընտրատեղամասում (Վահագնի գյուղ) գյուղապետի հրահանգով եւ մասնակցությամբ տեղի է ունենում բաց քվեարկություն: Ընտրությունները ժամւ 13-ի դրությամբ դադարեցվել են, տեղամասում լարված վիճակ է: Կազմվել է արձանագրություն, որը հանձնաժողովի նախագահը (Ժառանագություն կուսակցության ներկայացուցիչ) չի ընդունում:

Նշենք նաև, որ վերոնշյալ տղամարդը տեղամաս էր եկել մի խումբ տարեցների ընկերակցությամբ, և երբ մեր թղթակիցը փորձել է պարզել՝ նրանք ինքնուրո՞ւյն են եկել, թե՞ ինչ-որ մեկի ուղեկցությամբ, տարեցներից մեկը պատասխանել է՝ «դե եկան,<br>սաղիս լցրեցին, բերեցին»: Հարցին թե ո՞վ է բերել, պատասխանել են` «ինչի չգիտե՞ս՝ բերողին»:

Էրեբունի–Մասիվ համայնքի թիվ 12/32 ընտրատեղամասի դիմաց ընտրողների կուտակումներ են։ Մարդկանց խմբերը երթուղային տաքսիներով բերում են քվեարկության։

Դրախտիկի գյուղապետը մտել է տեղամաս, գյուղացիները մտնում են տեղամաս հայտարարում են որ իրենք չունեն բավարար գրագիտություն և խնդրում են, որ գյուղապետն օգնի իրենց քվեարկել: Տեղի է ունենում բաց քվեարկություն:

Քոչարյանը նշել է, որ «քվեարկել է ծրագրերի համար»։ Ակտիվ քաղաքականություն վերադառնելու հավանականության վերաբերյալ հարցին Ռոբերտ Քոչարյանը պատասխանել է. «Իսկ ուզո՞ւմ եք»: