Դիտարկման ժամանակ նաև նախատեսվում է, որ ԵԱՀԿ Մինսկի խմբի համանախագահները Բեռնար Ֆասիեն (Ֆրանսիա), Ռոբերտ Բրադկեն (ԱՄՆ), Իգոր Պոպովը (Ռուսաստան) և ԵԱՀԿ նախագահի անձնական ներկայացուցիչը կհատեն Լեռնային Ղարաբաղի և Ադրբեջանի սահմանները։

ԱՄՆ–ն և Գերմանիան ՄԱԿ–ի Անվտանգության խորհրդին կոչ են անում վճռական գործողություններ ձեռնարկել Սիրիայի նկատմամբ։ ՄԱԿ–ում ԱՄՆ դեսպան Սյուզան Ռայսը հայտարարել է, որ նման գործողությունների ժամանակը եկել է։

ՀՀ ԱԻ նախարարությունը տեղեկացնում է, որ նոյեմբերի 29-ի ժամը 09.00-ի դրությամբ ՀՀ տարածքում բոլոր ավտոճանապարհներն անցանելի են:

Միթե չեք գիտակցում, որ սրանով դուք բանկին եք վնասում: Միթե չեք գիտակցում, որ վարկառուներն իրենց բոլոր գաղտնիքները ձեզ են վստահում, իսկ Դուք կարող եք դրանք չպահպանել: Միթե՞ չեք ուզում, որ Բանկը օգուտ ստանա, իսկ Ընկերության բիզնեսը ծաղկի:

Շիրակի մարզի Վահրամաբերդ համայնքին հաջողվեց անել այն, ինչը չհաջողվեց անել գյումրեցիներին: Նրանք պարզապես թույլ չտվեցին համայնքից տանել Մինաս Ավետիսյանի թերևս ամենահայտնի որմնանկարներից մեկը` «Հայաստան»-ը:

Նախագահ Սերժ Սարգսյանն այսօր ընդունել է տարածաշրջանային այցով Երևան ժամանած ԵԱՀԿ Մինսկի խմբի համանախագահներ Բեռնար Ֆասիեին (Ֆրանսիա), Ռոբերտ Բրադկեին (ԱՄՆ), Իգոր Պոպովին (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկին:

Չեմ ցանկանում մեկնաբանել հայ-ռուսական ռազմավարական հարաբերությունների վերաբերյալ ադրբեջանական կողմից արվող «մեկնաբանությունները», քանի որ Հայաստանի կողմից վարած հավասարակշռված քաղաքականության վերլուծությունը ջախջախում է բոլոր այդ բարբաջանքները:

ՀՀ պաշտպանության նախարար Սեյրան Օհանյանը նոյեմբերի 28-ին ընդունել է Հարավային Կովկասում Եվրամիության հատուկ ներկայացուցիչ Ֆիլիպ Լեֆորին: Քննարկվել են պաշտպանության ոլորտում Եվրամիության հետ համագործակցության հեռանկարներին առընչվող հարցեր:

«Երևան Ջուր» ընկերությունը տեղեկացնում է իր հաճախորդներին և սպառողներին, որ, վերանորոգման աշխատանքների հետ կապված, նոյեմբերի 29-ին ժամը 10.00-18.00 կդադարեցվի Արաբկիր վարչական շրջանի Ն.Դուման փ. 1 շենքի, Կիևյան փ. նրբանցքի, Սևաստոպոլյան, Սեպուհ, Բարբյուս փողոցների և հարակից տարածքների ջրամատակարարումը:

Գյումրու անհատական տաքսու վարորդները կրկին խոստանում են բողոքի ալիք բարձրացնել դեռևս 2009–ին կառավարության ընդունած որոշման դեմ, որով նախատեսվում էր, որ բոլոր անհատական տաքսիները պետք է գործեն հարկային դաշտում, դեղին պետհամարանիշներ, հաշվիչներ ձեռք բերեն, մեքենաներն ունենան առավելագույնը 10 տարվա հնություն, և մի շարք այլ միջոցառումներ ձեռնարկեն, որոնք ֆինանսական միջոցներ են պահանջում: Սակայն գյումրեցի տաքսիստների աննախադեպ բողոքի ակցիաներից հետո կառավարությունը հրաժարվեց մարզերում կիրառել որոշումը, և խնդիրն առկախված մնաց:

Հարավային Օսիայում ընթացող նախագահական ընտրություններում ձայների 56,7 տոկոսով հաղթում է ընդդիմության ներկայացուցիչ Ալլա Ջիոևան։ Ջիոևայի մրցակից, արտակարգ իրավիճակների նախարար Անատոլի Բիբիլովը, որը հավաքել է ձայների 40 տոկոսը, բողոքում է։Գործող նախագահ Էդուարդ Կոկոյտին ընտրություններին չի մասնակցում, սակայն իր աջակցությունն է հայտնել Բիբիլովին։

ԱՊԼ–ի՝ Սիրիայի նկատմամբ կիրառված պատժամիջոցներով արգելվում է սիրիական Կենտրոնական բանկի հետ որևէ գործարք, և դադարեցվում է արաբական երկրների կողմից Սիրիայում որևէ ծրագրի ֆինանսավորումը։ Դրանից բացի, արգելվում է սիրիացի մի քանի պաշտոնյաների մուտքն արաբական այլ երկրներ, իսկ նրանց բանկային հաշիվները կսառեցվեն։

Իրանի Իսլամական հեղափոխության պաշտպանների խորհուրդը վերջնականապես հավանություն է տվել Թեհրանում Մեծ Բրիտանիայի դեսպան Դոմինիկ Չիկլոտտային վտարելու մասին օրինագծին։ Խորհրդի որոշումից հետո օրենքը մտել է ուժի մեջ՝ Իրանի ԱԳՆ–ն պարտավոր է այն իրականացնել։

Կանանց իրավունքների կենտրոնը ս. թ.-ի նոյեմբերի 29-ին, ժամը 14:00-ին Հյուսիսային պողոտայում կազմակերպում է բացօթյա մի ֆլեշմոբ-ակցիա «Լուռ վկաներ» խորագրով: Ակցիայի ընթացքում սպիտակ զգեստներով և սպիտակ դիմակներով կանայք` հանդիսանալով բռնության լուռ վկաներ կքայլեն Հյուսիսային պողոտայով (Աբովյան փողոցի կողմից), իսկ այնուհետև կկազմեն «Ո՛չ բռնությանը» բառը:

«Պատերազմի ընթացքում գերիներին և սպանվածներին կողմերին վերադարձնելու համաձայնությանը համառորեն ավելացնում ենք նաև շփման գծից դիպուկահարներին հեռացնելու խնդրանքը, որպեսզի զոհեր չգրանցվեն»,–նշել է Համայն Ռուսիո պատրիարքը։

Սույն թվականի նոյեմբերի 29-ին` ժամը 10:30-ին, ՀՀ ԳԱԱ-ի նախագահությունում (Բաղրամյան 24, 2-րդ հարկ) տեղի կունենա «Հայկական Վիրտուալ Գիտական Գրադարան» ծրագրի շնորհանդեսը:

Նոյեմբերի 28-ին ԱԳ նախարար Էդվարդ Նալբանդյանն ընդունեց Հարավային Կովկասի եւ Վրաստանի ճգնաժամի հարցերով Եվրոմիության հատուկ ներկայացուցիչ Ֆիլիպ Լեֆորին (Philippe Lefort):

Այս պահին խորհրդարանը քննարկում է «Շրջակա միջավայրի վրա ազդեցության փորձաքննության մասին օրենքում փոփոխություններ և լրացումներ կատարելու մասին» օրինագիծը, որը մի շարք հ/կ–ների մտագոհության տեղիք է տվել։