Ելույթ է ունեցել նաև գործողությանը միացած՝ «Ժառանգության» ներկայացուցիչ, ԱԺ պատգամավոր Զարուհի Փոստանջյանը, ով նշել է, որ կառավարության հիշյալ որոշմամբ հայկական գյուղ է վերանում, այնինչ «մեզ հայտնի չէ, որ այս կառավարությունը ստեղծած լինի որևիցե մի գյուղ, բայց ձեռնամուխ է լինում գյուղի բնակիչենրի տեղահանմանը»

Աստղաբան–էզոթերիկ Գուրգեն Հովհաննիսյանն այսօր լրագրողներին ասել է, որ 2012թ. երկվորյակի նշանի տակ են գտնվելու Հայաստանն ու Եգիպտոսը։ Իսկ քանի որ Եգիպտոսում իրավիճակը կայուն չէ, ապա Հայաստանում այն կկայունանա։

Դեկտեմբերի 28-ին`ժամը 19.39-ին տեղեկատվություն է ստացվել,որ Վայոց ձորի մարզում`Երևան-Մեղրի ավտոճանապարհի 130,3 կմ-ում` Մալիշկա գյուղին հարակից, տեղի է ունեցել ավտոպատահար:

Մարգար Օհանյանը մեղադրվում է նրանում, որ աշխատելով որպես ՀՀ ոստիկանության ճանապարհային ոստիկանության պետ, մշտապես իրականացնելով իշխանության ներկայացուցչի լիազորությունները, հանդիսանալով պաշտոնատար անձ, շահադիտական շահագրգռվածությունից ելնելով՝ իր պաշտոնեական դիրքն օգտագործել է ծառայության շահերին հակառակ, որն էական վնաս է պատճառել պետության օրինական շահերին

ՀՀ կառավարության շենքի առջև մեկնարկել է բնապահպանական բողոքի գործողություն, որի նպատակն է չեղյալ ճանաչել կառավարության ընդունած 627-Ն որոշումը։

2011թ. համաշխարհային շրջագայություններից ամենաշատ գումար է վաստակել «U2» խումբը, որն առաջին հորիզոնականում էր նաև 2009թ.։ Չնայած այն հանգամանքին, որ անցնող տարվա ընթացքում խումբն ալբոմ չէ թողարկել, սակայն 360 շրջագայություններով կարողացել է հավաքել 231,9 մլն դոլար։

Հանրապետության տարածքում եղանակը կպայմանավորվի բարձր ճնշման դաշտով: Դեկտեմբերի 29-ին ամբողջ տարածաշրջանում կդիտվի առանց տեղումների եղանակ: Առանձին վայրերում հնարավոր է քամու ուժգնացում 12-17մ/վրկ:

Դեկտեմբերի 28-ին, ժամը 21.00-ի սահմաններում, «Օպել-Վեկտրա» մակնիշի ավտոմեքենա Կապան քաղաքի Սպանդարյան փողոցում բախվել է էլեկտրասյանը: Վթարի հետևանքով վարորդը՝ 26-ամյա Դավիթ Գրիգորյանն ու ուղևորներ՝ 26-ամյա Նվեր Մովսիսյանը և Կարեն Հովակիմյանը տեղում մահացել են, իսկ մյուս ուղևորը մարմնական վնասվածքներով տեղափոխվել է հիվանդանոց:

Իտալական Թուրին, Վենետիկ, Միլան և Բարի քաղաքների ղեկավարությունները իրենց քաղաքների բնակիչներին արգելել են ամանորյա գիշերը ճայթուցիկներ օգտագործել, ինչպես նաև հրավառությունն առհասարակ։

«Մենք պետք է ցույց տանք, որ ՄԵՆՔ ԵՆՔ ԱՅՍ ԵՐԿՐԻ ՏԵՐԸ և Հայաստանի ապագան մենք ենք, իսկ առանց բնության և առողջ շրջակա միջավայրի առկայության պետությունը տարբեր առումներով դառնում է խոցելի. այն էլ մեր պետության դեպքում, որն ամբողջովին շրջապատված է թշնամիներով, իսկ սեփական ընդերքի կամ ռեսուրսի անխնա շահագործումը բերելու է պետության կործանման»:

Նախօրեին մամուլում նյութ էր տարածվել, ըստ որի՝ Թուրքիայի հյուսիս–արևմուտքում բնակվող Սուլեյման Ենիչերի իմամը կասկածի տակ է դրել Ձմեռ պապի գոյությունը և խորհուրդ տվել չվստահել նրան։

Իսրայելի ռազմաօդային ուժերը չորեքշաբթի երկրորդ անգամ հարվածել են Գազայի հատվածին, որպեսզի վերացնեն հայտնաբերված գրոհայինների խումբը։

Տրիպոլիի որոշ բնակիչներ կարծում են, որ Աբու Սալիմի երիտասարդությունը, ովքեր զգալի վնաս են հասցնում Լիբիայի Ազգային անցումային խորհրդին, կապեր ունի Քադաֆիի հետԲացի այդ, շենքերի ու մեքենաների վրա սկսել է ավելի հաճախ հայտնվել Ջամահիրիայի հայտնի կարգախոսը. «Աստված, Մուամար, Լիբիա և վերջ»։

ՀՀ ԱԻ նախարարությունը տեղեկացնում է, որ դեկտեմբերի 29-ի ժամը 08.30-ի դրությամբ ՀՀ տարածքում բոլոր ավտոճանապարհները բաց են և անցանելի:

Երեկ տեղի է ունեցել ՀՀ հավաքական թիմերի մարզիկների և մարզիչների պարգևատրման արարողությունը։ Հայաստանի ազգային օլիմպիական կոմիտեի նախագահ Գագիկ Ծառուկյանն ասել է, թե 2011թ. սպասողական տարի էր և հույս հայտնել, որ 2012թ. Լոնդոնում կայանալիք օլիմպիական խաղերում Հայաստանը կունենա ցանկալի արդյունքներ։

Հիմք ընդունելով ՀՀ մարզերից ստացված առաջարկությունները` ՀՀ կրթության և գիտության նախարար Արմեն Աշոտյանը շրջաբերական գրություն է ուղարկել ՀՀ մարզպետներին և Երևանի քաղաքապետին, որում նշվում է, որ ՀՀ ԿԳՆ-ն չի առարկում, որ սովորողների գարնանային արձակուրդները, անհրաժեշտության դեպքում, միացվեն ձմեռային արձակուրդներին:

Դեկտեմբերի 27-ին, ժամը 12.00-ին, ոստիկանության Բաղրամյանի բաժին է դիմել Շենիկ գյուղի մի բնակիչ՝ հայտնելով, որ գիշերը իր անասնագոմից գողացել են 3 գլուխ խոշոր եղջերավոր անասուն:

«Շրջադարձ» կուսակցության հայտարարությունը.