Կարծիք

07.05.2013 11:00


Բարև, ավելի հանցագործ ռեժիմ

Բարև, ավելի հանցագործ ռեժիմ

ՀՀԿ-ի համար աշխատող գլխավոր տասովշիկների մրցավազքում հաղթեց ՀՀ ՈՍՏԻԿԱՆԱՊԵՏԸ:

Հանրապետական կուսկցության հենարանը Հայաստանում ապրող, կյանքի հատակում գտնվող մարդիկ են և նրանց ՎԵՐԱՀՍԿՈՂ ՈՍՏԻԿԱՆՈՒԹՅՈՒՆԸ, դա պարզ երևում է ընտրությունների օրը:

Երեկ մենք տեսանք, թե ինչ տեսակ մարդիկ էին աշխատում ՀՀԿ-ի համար, և պարզ դարձավ, որ նրանց գործողությունների պատասխանտուն ՀՀ ՈՍՏԻԿԱՆՈՒԹՅՈՒՆՆ Է:

Իմ տեղամասում ոստիկանները ամբողջ ընտրական գործընթացի ժամանակ ազատ տեղաշարժվում էին տեղամասում և շփվում հհկականների հետ, իսկ արդեն հաշվարկին ճշտում ՀՀԿ-ի և ՀԱՏԿԱՊԵՍ Կոգրեսի հավաքած ձայների քանակը: Ընտրությունների ժամանակ տեղմասում գտնվող «ԿՅԱՆՔ» ՀԿ-ի ներկայացուցիչը, ով այդ թաղի հայտնի ՀՀԿ-ական տասովշիկ էր, բացահայտ համագործակցում էր ոստիկանության հետ ընտրակեղծիքներ կազմակերպելու համար:

Երբ ես նկարահանում էի ոստիկաններին, նրանք այնքան էին լարվում և նեղանում դրանից, կարծես իրենք հանցագործ են, դու էլ ոստիկան, ով նրանց բռնացրել է հանցագործության վայրում: Իսկ օրվա վերջում նրանցից մեկը ինձ ասում է, թե բա կարելի՞ է այդպիսի բաներ անել… Ոստիկանների բարոյական սկզբունքները ոչնչով չէին տարբերվում թաղային խուժանի սկզբունքներից:

Ընտրության օրը ոստիկանապետ Վովա Գասպարյանը իր մաշկից դուրս էր գալիս, որպեսզի կարողանա ապահովել ռեժիմի տոկոսները: Նա իր քաղմասային պահեստանոցից հանել էր ամեն տեսակ խաժամուժ՝ անբարոյական կանանցից սկսած մինչև մարդասպաններ ու քրեական աշխարհի ներկայացուցիչներ:

Այս ամենը երկրի ոստիկանապետը անում է, որպեսզի ցույց տա յուր նախագահին, որ ինքը ավելի թանկ արժե, քան հայտնի օլիգարխները, քանի որ նրա ենթակայության տակ են ոչ թե խանութների աշխատողները կամ հարգանք ունեցող թաղի տղաները, որոնք հնարավոր է՝ բարոյական որոշ սահմաններ չանցնեն, այլ կյանքի հատկում գտնվող, ամեն ինչի ընդունակ հանցագործները, ովքեր չունեն ոչ մի բարոյական սահման... Ոստիկանապետը երեկ մեզ բոլորիս համոզեց, որ ՀՀԿ-ի գլխավոր տասովշիկը ինքն է, այլ ոչ թե օլիգարխները, որոնց արդեն հրաժեշտ տալու ժամնական է… քանի որ ՀՀ ՈՍՏԻԿԱՆՈՒԹՅՈՒՆԸ ԸՆՏՐՈՒԹՅՈՒՆՆԵՐԸ ԱՎԵԼԻ ԼԱՎ Է ԿԵՂԾՈՒՄ, ՔԱՆ ՈՐԵՎԷ ՕԼԻԳԱՐԽ…

Տաթևիկ Պողպատյանի ֆեյսբուքյան էջից

Նա նաև տեղադրել է մի լուսանկար՝ վերնագրելով. «Տասովշիկների հավաքը ընտրատեղամասի դիմաց»։

Այս խորագրի վերջին նյութերը