Կարծիք

22.08.2012 23:20


Բազազի, Ֆեյսբուքի և ոստիկանի դերի մասին

Բազազի, Ֆեյսբուքի և ոստիկանի դերի մասին

Համոզված եմ, որ Ռոբերտ Մելքոնյանի (Բազազ) գրառումները նրա ձեռքի գործը չեն: Ընդհանրապես նրա ֆեյսբուքյան ակտիվությունը շոումեն ոստիկանապետ Գասպարյան Վովայի (Ֆիքս) փիարշիկների կամ փիարշիկի հերթական հիվանդ երևակայության արդյունք է:
Սրանք էդպես էլ չհասկացան, որ ոստիկանների գործը չէ հասարակական գործունեությունը, քաղաքական գնահատականներ տալը: Որ ոստիկանը բերանը փակ, գլուխը կախ պիտի կատարի իր պարտականությունները: Որ ոստիկանը իրավունք չունի ընդունել փաստաբանի կամ դատախազի դերը:
Հիմա կասեն, թե բա ոստիկանը մարդ չի՞, կարծիք ունենալու իրավունք չունի՞, նա էլ քաղաքացի է:
Հարցը կարծիք ունենալը չէ, այլ այդ կարծիքը իրենց դատարկ, ու ստրկամիտ գլուխներից այն կողմ չհանելն է: Ոստիկանական էթիկայի կոպտագույն խախտում է որևէ կողմի` անհատի, նախաձեռնության, քաղաքական ուժի շահերը սպասարկողի կամ հակառակը` քննադատողի դերը ստանձնելը:
Ոստիկանը, այն էլ փոխոստիկանապետը պետք է լինի օբյեկտիվության, անկողմնակալության մարմնավորում:

Արեգ Գևորգյան

Այս խորագրի վերջին նյութերը