Թուրքիայի Այդընջըք շրջանում (Մերսին նահանգ) ավտոբուսի հետ վթարի հետևանքով առնվազն ինը մարդ է զոհվել, 28-ը՝ վիրավորվել, հայտնում է TRT Haber հեռուստաալիքը։

Հեռուստաալիքի հաղորդմամբ՝ Անթալիայից Մերսին ճանապարհին ավտոբուսը բախվել է արգելապատնեշին, ապա շրջվել։

Մերսինի նահանգապետ Ալի Համզա Փեհլիվանի խոսքով՝ ավտոբուսը հանրապետության արևմուտքում գտնվող Մարմարիսից մեկնում էր հարավ-արևելքում գտնվող Մարդին նահանգ։ «Ավտոբուսում ընդհանուր առմամբ եղել է 40 մարդ։ Անթալիա-Մերսին ավտոճանապարհին ժամը 01:15-ի սահմաններում վարորդը թունելից դուրս գալուց հետո կորցրել է կառավարումը և մեքենան շրջվել է ձորը։ Վթարը տեղի է ունեցել քաղաքից 170 կմ հեռավորության վրա [Մերսին, Ենիքաշ կոմսություն]։ Արդյունքում մեր քաղաքացիներից 9-ը զոհվեցին, 30-ը վիրավորվեցին։ Նրանք տեղափոխվել են հիվանդանոցներ»,-ասել է նահանգապետը։

Տուժածները տեղափոխվել են Այդընչիկ, Սիլիֆքե և Անամուր քաղաքների հիվանդանոցներ։ Ոստիկանությունը հետաքննում է տեղի ունեցածը։

Աղբյուրը՝ news.am