Աշխարհ

28.09.2020 18:55


«Հայերը մարտիկ ժողովուրդ են». Մարիամ Մերաբովան անհանգստացած է իրադարձություններով Հայաստանում և Արցախում

«Հայերը մարտիկ ժողովուրդ են». Մարիամ Մերաբովան անհանգստացած է իրադարձություններով Հայաստանում և Արցախում

Հայտնի ջազ երգչուհի Մարիամ Մերաբովան հայտարարել է, որ անհանգստացած է Արցախի սահմանին վերջին իրադարձություններով։

«Պատմական անավարտ խնդիրների՝ լիովին ակնհայտ կրկնությունները կրկին հայտնվում են իրենց հրեշավոր շարունակությամբ, ու կրկին սուտ։ 1915, 1988-89, մշտական նացիոնալիստական տրամադրություններ, որոնք ընկած են հիմքում։ Ադրբեջանական կողմի այսօրվա հայտարությունը, թե միայն պաշտպանվում է, լկտի և գարշելի սուտ է, քանի որ արդեն վաղուց զորքեր էին շարժվում դեպի սահմաններ, և մեկ ամիս առաջ Թուրքիայի աջակցությամբ առաջին հարվածներն են հասցվել հենց Ադրբեջանի կողմից։ Այդ ժամանակ ես գրել էի, որ մենք երբեք առաջինը չենք հարձակվել, բայց հազարավոր տարիների ընթացքում սովորել ենք պաշտպանել մոր հողը։ Ոչ ոքի համար գաղտնիք չէ, թե հայկական արմատներ ունեցող քանի գեներալներ են եղել Հայրանեական մեծ պատերազմի ընթացքում, որ հայերը մարտիկ ժողովուրդ են։

Քաղաքականությունը գարշելի է։ Մինչ սանձազերծվում են և կյանքի կոչվում կեղտոտ ծրագրեր, խրամատներում զոհվում երիտասարդ տղաներ երկու կողմից էլ, և դա է ամբողջ ողբերգությունը։ Հիվանդ առաջնորդներն իրենց գարշելի գաղափարներում անսկզբունքորեն անցնում են մարդկանց և ազգերի ճակատագրերի վրայով՝ փորձելով ոչնչացնել, ջնջել երկրի երեսից, խլել, յուրացնել, խաբել, խեղաթյուրել պատմությունը, օգտվել հասարակ բնակիչների անտեղյակությունից և նրանց ստիպել հավատալ նրան, ինչ ձեռտու է։ Հիմա նոր փուլ է, և այն վախեցնում է ինձ։ Այդքան տարիների ընթացքում առաջին անգամ հայտարարվել է 17-60 տարեկան տղմարդկանց մոբիլիզացում։ Սեփանակերտը գնդակոծվել է, կան ավերածություններ ու զոհեր»,-Facebook-յան էջում գրել է Մերաբովան։

Աղբյուրը՝ style.news.am

Այս խորագրի վերջին նյութերը