ԿԲ նախկին նախագահ. «Այն, որ միջազգային գներն աճելու են, իհարկե, որոշիչ ազդեցություն ունենալու է, բայց մեր համակարգը՝ հայկական համակարգն ամբողջովին, նպաստում է, որ գնաճն այստեղ «պատիկ» անգամ ավելի բարձր դրսևորումներ ունենա»։

«Եթե կառավարությունն այսօր հայտարարում է, թե գնաճի հիմնական պատճառը միջազգային շուկաներում պարենամթերքի և մի շարք ապրանքների բարձրացումն է, ապա Հայաստանում անհեթեթ է գնողունակ պահանջարկի և եկամուտների նվազման ճանապարհով այս գների վրա ազդելը»։

Վրացական պետհամարանիշներով ավտոմեքենանների սեփականատերերը Գյումրիի թատերական հրապարակում շարունակեցին իրենց բողոքի գործողությունը: Նրանք դրամահավաք են կազմակերպել, և քանի որ, ըստ նրանց, հայաստանյան կառավարությունը դիմում է ամեն քայլի պետական բյուջեն համալրելու համար և անընդհատ մտնում է սեփական քաղաքացիների գրպանները, ուստի որոշեցին հավաքագրած գումարներն Աժ-ի պատգամավորների միջոցով ուղղարկել կառավարությանը: Գումարները հավքվում էր հնամաշ գլխարկի մեջ, իսկ նվիրաբերված գումարները տատանվում էին 10 դրամից մինչեւ 1000 դրամ...

ՀՀ ֆինանսների փոխնախարար Վարդան Արամյան. «Նույնիսկ մենք պարզ հաշվարկ եթե անենք' այդ 50 դրամն ինչ արժեր 2002թ. և ինչ արժե հիմա, համարյա թե զրո է, եթե հաշվի առնենք օրինակ գնաճը: Այդ պահանջը դրված է, որ որոշակի գնի բարձրացում պետք է լինի առաջիկա 2-3 տարիների ընթացքում' մոտ 100 տոկոսով, այսինքն 100 դրամ դառնա»։

Ազատան համայնքում բնակիչները դիմում են պատրաստում, ստորագրահավաք են իրականացնում, որպեսզի ուղարկեն ՀՀ պաշտպանության նախարարություն: Պատճառը երկու տարի առաջ' 2009թ., պաշտպանության նախարարության կարիքների համար ձեռքբերված կարտոֆիլի դիմաց վճարումներն ուշացնելն է: ՊՆ–ից ասում են, որ իրենք կարտոֆիլը գնել են միջնորդների միջոցով և գումարն ամբողջովին փոխանցել են: Իսկ միջնորդ կողմն էլ հավաստիացնում է, որ իրենք գումարներ չեն ստացել...

Ըստ ՀՀ Ազգային վիճակագրական ծառայության օպերատիվ տվյալների՝ 2010 թ.-ին Հայաստանի տնտեսության ՀՆԱ-ն կազմել է 3509523,9 մլն. դրամ, որը նախորդ տարվա համեմատ 2,6 %-ով ավել է։ Սակայն հարկ է նկատել, որ այդ աճն անվանական է, քանի որ նույն պաշտոնական տվյալներով՝ ՀՆԱ ինդեքս-դեֆլյատորի աճի տեմպը նախորդ տարվա նույն ժամանակահատվածի համեմատ կազմել է 110, 2 %, իսկ սպառողական գների ինդեքսի աճի տեմպը՝ 108,2 %։

Ցորենի միջազգային գների բարձրացմանը զուգահեռ՝ մեծ դժվարությունների առաջ են կանգնում Շիրակի մարզի գյուղացիական տնտեսությունները, որոնք հացահատիկ են մշակում: Եղանակային վատ պայմանների պատճառով Շիրակի մարզում կտրուկ կրճատվել են հացահատիկային մշակաբույսերի ցանքատարածությունները:

Վարդան Բոստանջյան. «Այո՛, Հայաստանում տնտեսվարող սուբյեկտները մտահոգված են իրենց գործունեության համար այն աստիճանի, որ կարող են դադարեցնել իրենց գործունեությունը, քաղաքացիներն էլ հակված են տեղափոխվել մի այլ տեղ, որտեղ կարելի է ապրել»։

Ալյուրի թանկացումը հանգեցրել է նաև հացամթերքի թանկացմանը։ Ուրբաթ օրն արդեն մի շարք խանութներ հացը 10-20 դրամով թանկ են վաճառել։ Մյուսներն էլ, բնականաբար, հետևում են այդ օրինակին։ Մասնավորապես «Մուսալեռ» հացի փռից «7օր»-ին ասել են, որ իրենք հացի գինը թեև դեռ չեն բարձարցրել, բայց մոտ օրերին բոլոր հացատեսակները թանկացնելու են 10-20 դրամով։ Պատճառն էլ ալյուրի գնի բարձրացումը։ «7օր»-ի թղթակիցները շրջել են նաև մայրաքաղաքի մի շարք խանութներով և արձանագրել, որ բոլոր տեղերում հացն արդեն իսկ թանկ է վաճառվում։

Հայ ազգային կոնգրեսի անդամ Վահագն Խաչատրյանի կարծիքով' կառավարությունն ամեն վայրկյան կարող է պայթել, անգամ այսօր։ Նա նշել է, որ իշխանությունները պետության զգացողությունը կորցրել են, իրենք էլ չեն հասկանում, թե ինչ պետք է անեն։

«Գազպրոմ»-ի խորհրդի նախագահ. «Հայաստանի հետ մենք պայմանավորվել ենք, որ ապագայում գազը շուկայական գներով ենք մատակարարելու։ Մինչև հիմա Երևանը մեր գազի համար վճարում էր իր գազային և էներգետիկական կազմակերպութկունների ակտիվներով։ Այնպես որ, այսօր մեզ է պատկանում Հայաստանի ենթակառուցվածքի 80%-ը՝ բաշխիչ ցանցեր, ստորգետնյա պահեստներ, գազատարի մայրուղիներ, ՋԷԿ-ի բլոկ»։

ԱՄՆ Ազգային հետախուզության ծառայության 230 երկրների տնտեսության վիճակի վերաբերյալ հրապարակած տվյալների համաձայն՝ վերլուծվել է մեկ շնչին բաժին ընկնող ՀՆԱ չափաբաժինը (հիմնականում 2010թ-ի տվյալներով)։

Հրանտ Բագրատյան. «Ես Հայաստանի վիճվարչության պետին և վարչապետին մակրոէկոնոմիկայի դասախոսության եմ հրավիրում։ Եթե բնակչության թիվը նվազում է, ձվի արտադրության քանակը 500 մլն-ից հասնում է 700 մլն-ի, ապրանքը ո՞նց է թանկանում։ Ստացվում է՝ մենք յուրաքանչյուրս ամեն օր ուտում ենք երեք հատ ձու։ Այսպիսի բան հնարավոր չէ։ Այն օրվանից, երբ Տիգրան Սարգսյանը մտել է այս կառավարություն, որևէ վերլուծություն չի եղել»։

2011թ. հունվարի 1-ից Հայաստանում ուժի մեջ է մտել ավտոտրանսպորտային միջոցների օգտագործումից բխող պարտադիր ապահովագրության (ԱՊՊԱ) մասին օրենքը: ԱՊՊԱ-ի ենթակա է շուրջ 430 հազ. ավտոտրանսպորտային միջոց։ ՀՀ ԿԲ հասարակայնության հետ կապերի ծառայությունից «7օր»-ին տեղեկացրել են, որ վերջին տվյալներով ապահովագրվել է հաշվառված ավտոտրանսպորտային միջոցների 60%-ը: Իսկ ԱՊՊԱ չունեցող մեքենաները օրենքի համաձայն կտուգանվեն 50 հազ. դրամով:

Մենք փորձեցինք ճշտել, թե արդյոք խանութներում ձու վաճառվո՞ւմ է, սակայն ստացանք բացասական պատասխան։ Այն ոչ միայն ի սպառ բացակայում էր, այլ նաև վաճառողները չգիտեին նույնիսկ, թե երբ ձու կստանան։ Միայն ժողովրդի շրջանում հայտնի Գումի շուկայում էին ձու վաճառում, այն էլ՝ 150 դրամով։ Հիշեցնենք, սակայն, որ դեռևս երկու օր առաջ Էկոնոմիկայի նախարարությունը պաշտոնական հայտարարությամբ էր հանդես եկել, ըստ որի՝ հավի ձվի որոշակի չափաքանակ է ներկրվել Հայաստան։

2010 թվականի հունվար-նոյեմբեր ամիսների ընթացքում ՀՀ պետական բյուջեի եկամուտները կազմել են ավելի քան 690.2 մլրդ դրամ, իսկ ծախսերը' ավելի քան 742.6 մլրդ դրամ, որոնք համապատասխանաբար 93.6%-ով և 85.8%-ով ապահովել են տարեկան ծրագրային ցուցանիշների կատարումը:

Հրանտ Բագրատյանի կարծիքով՝ հնարավորություն կա իջեցնել մյուս տարվա սղաճը, և իրականում 5 րոպեում կարելի է հարցը լուծել, անգամ դեֆլյացիայի գնալ, եթե հանկարծ հայտարարվի, որ շաքարն այսուհետ բերում են բոլորը։

-Այն անձինք, ովքեր զբաղված են ոչ ֆորմալ, վաստակի առումով պակաս եկամուտ են ստանում, և աղքատությունն էլ բարձր է, քան ֆորմալ հատվածում է՝ 34,2% ընդդեմ 21,7%-ի,-ասել է ԱՎԾ տնային տնտեսությունների հետազոտությունների բաժնի պետ Դիանա Մարտիրոսովան։ Հիշեցնենք, որ ըստ «Հայաստանի սոցիալական իրավիճակը» զեկույցի՝ 2009թ. երկրում աղքատության ցուցանիշը կազմել է 34,1%, իսկ 2008 թ՝ 27,6%: Ընդամենը մեկ տարվա ընթացքում մոտ 214 000 մարդ երկրում աղքատացել է։