ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան. գործակալության կողմից 23.05.2011-29.05.2011թթ-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները...

Գյումրու շուկայում ներկայումս կարտոֆիլի գները, մեղմ ասած, զարմացնում են: Անցած տարի ամբարած կարտոֆիլի 1 կգ–ը վաճառվում է 350-500 դրամի սահմաններում, իսկ նոր բերքի 1 կգ–ն արժե 800 դրամ, այն դեպքում, երբ Շիրակի մարզը համարվում է կարտոֆիլի մշակման կենտրոն, և երբևիցե մարզում կարտոֆիլի պակասություն չի զգացվել:

ԱՊՀ–ում 2011–ի առաջին քառորդի արդյունքների համաձայն՝ գնաճի ամենաբարձր ցուցանիշներ են արձանագրվել Ղրղզստանում, Բելառուսում, Տաջիկստանում և Հայաստանում։

Ապրիլի 6-ին ՏՄՊՊՀ-ն վարչական վարույթ էր հարուցել 4 բեռնափոխադրող ընկերությունների նկատմամբ՝ հիմք ընդունելով այն հրապարակումները, որ տարեսկզբին այդ ընկերությունները բարձրացրել են Թուրքիայից և Չինաստանից ներկրվող ապրանքների համար առևտրականներից գանձվող վճարի չափը, մասնավորապես Թուրքիայից ներկրվող ապրանքի մեկ կիլոգրամի մաքսազերծումը 4 դոլարից դարձել է 8 դոլար:

«7or.am»–ի խմբագրություն քաղաքացիների կողմից ահազանգ էր ստացվել, թե արդեն տևական ժամանակ է՝ «Արմավիա» ավիաընկերությունը Երևան–Բեռլին ուղիղ չվերթը կատարում է Երևան–Մյունխեն–Բեռլին չվերթով՝ առանց ուղևորներին այդ մասին տեղյակ պահելու։

Ըստ վարչապետի՝ 2010 թվականին համախառն ներքին արդյունքը (ՀՆԱ) կազմել է 3461.9 մլրդ դրամ, ընդ որում իրական ՀՆԱ-ն աճել է 2.1%-ով, 9.2% դեֆլյատորի պայմաններում:

ԿԲ նախագահի խոսքերով՝ 2011թ. առաջին 4 ամիսների ընթացքում արձանագրվել է 5% գնաճ, որի պարագայում 12 ամսվա գնաճի ցուցանիշը նվազել է մինչև 8,9%, ընդ որում՝ տարեսկզբի դրամավարկային պայմանների աստիճանական խստացումների պայմաններում 12-ամսյա գնաճի տեմպերը, որոնք փետրվարին գերազանցել էին 12%-ը, աստիճանաբար նվազել են:

Հրայր Թովմասյան. «Օրենքն ունի հստակ հակակոռուպցիոն ուղղվածություն, ինչը պայմանավորված է նրանով, որ խստացվում է պաշտոնատար անձանց գույքի և եկամուտների հայտարարգրերի ներկայացումը, որն այժմյան օրենքում ձևական բնույթ է կրում»։

Ծրագիրը ներդրվել էր 2010թ. և ներկայացվում էր որպես երիտասարդ ընտանիքներին մատչելի բնակարանով ապահովելու Սերժ Սարգսյանի նախընտրական ծրագրի իրականացում: Շրջանառվող լուրերի համաձայն՝ սույն ծրագրի դադարեցումը կապված է ֆինանսական սղության հետ, սակայն Գյումրու առևտրային բանկերը նշում են, որ ուղղակի ժամանակավոր դադար է հայտարարված։

Ագրարային համալսարանի բուսաբուծության և բանջարաբուծության ամբիոնի վարիչ Անդրեաս Մելիքյանը նշել է, որ գյուղոլորտի առջև ծառացած խնդիրները միանգամից և միայն վարկերի տոկոսադրույքները նվազեցնելու միջոցով հնարավոր չէ լուծել։ Նրա խոսքերով՝ Հայաստանում ևս պետք է կիրառել համաշխարհային փորձը և ապահովել գյուղացի–խոշոր բիզնեսի ներկայացուցիչ ակտիվ ու արդյունավետ համագործակցությունը, որը ոլորտի զարգացման լավագույն տարբերակներից է։

Գլխավոր մարքսիստ. «Վարչապետը ծառի տակ նստած՝ ժակետն էլ հագին, ասում է, թե կովի կուրծքը լավ լվացեք, լավ մշակեք, որ կաթը շատ լինի։ Բա կերի և նյութատեխնիկական բազա՞ն, բա էդ ո՞վ պետք է այդ կոմբիկորմը տա։ Ինչպե՞ս պետք է խրախուսի։ Եվ վերաջապես՝ անհայտ է ագրարային սուբյեկտը»։

Զանգվածային տարբեր լրատվամիջոցներում տեղ գտած հրապարակումներին ի պատասխան, համաձայն որոնց տեղական շուկայում չմաքսազերծված բանջարեղեն է հայտնվում, անհրաժեշտ ենք համարում պարզաբանել, որ այդ տեղեկատվությունն իրականությանը չի համապատասխանում. առանց մաքսային ձևակերպումների բանջարեղենի ներմուծումը բացառվում է։ Ինչ վերաբերում է այն պնդումներին և հնչող տեսակետներին, թե ներմուծելիս պոմիդորը ձևակերպվում է իբրև ցիտրուսային միրգ, որպեսզի ավելի քիչ հարկեր վճարեն...

2011 թվականի առաջին եռամսյակում ՀՀ պետական բյուջեի եկամուտները կազմել են 178.9 մլրդ դրամ, իսկ ծախսերը` 181.4 մլրդ դրամ, որոնք համապատասխանաբար 97.3%-ով և 85.8%-ով ապահովել են ՀՀ կառավարության առաջին եռամսյակի ծրագրային ցուցանիշների կատարումը:

Արդեն 5 ամիս է, ինչ չի աշխատում Գյումրու «Քարհատ մեքենա» ձռնարկությունը, իսկ աշխատակիցները պարապուրդի են մատնված: Գործարանը իր վերջին արտադրանքը տվել է անցած տարեվերջին, իսկ նոր պատվերներ դեռևս չկան:

–Եթե մենք Հայաստանից գնացող լինեինք, պարզ է, որ այսպիսի համալիր չէինք կառուցի,–այսօր «Գրանդ սպորտ» մարզաառողջարարական համալիրի բացման ժամանակ լրագրողներին ասել է ԱԺ պատգամավոր Միքայել Վարդանյանը։ Ի դեպ, «Գրանդ սպորտ» մարզաառողջարարական համալիրի բացմանը ներկա է եղել նաև ՀՀ նախագահ Սերժ Սարգսյանը։

Արամ Կրապետյան.«Ամբողջ համակարգն է մեղավոր, քանի որ վարկերը, եթե անգամ վերցվել են տնտեսության համակարգը զարգացնելու համար, վերջ ի վերջո տնտեսական որոշակի մեխանիզմներով ուղղված են եղել քաղաքական որոշակի խնդիրների լուծմանը, որպեսզի երկրում չստեղծվի այնպիսի իրավիճակ, որ սոցիալական բունտ առաջանա»։

Պատասխանելով լրագրողների հարցերին, թե ի՞նչ քայլեր են արվում միջին խավ ստեղծելու նպատակով՝ վարչապետը նշել է, թե երկրում միջին խավ ձևավորելու երկու ճանապարհ կա՝ բնականոն զարգացում, երբ մասնավոր սեփականատերերը զարգանում են և պայքարում իրենց իրավունքների համար, և բարեփոխումների ճանապարհը, երբ պետությունը տոտալիտար համակարգից անցում է կատարում դեմոկրատական հասարակության...

Տնտեսագետ. «Շատ ուրախալի է, որ 0% է, անկում չէ։ Սա առաջին ուրախ լուրն է, երկրորդ՝ հետաքրքիր միտում է նկատվում Ազգային վիճակագրական ծառայությունում՝ ոմանք սկսում են թվեր նկարել տարվա սկզբից։ Հատկապես եթե ուշադիր նայենք գյուղատնտեսության ոլորտին, այնտեղ փետրվարը հունվարի վրա գրանցված է 26% աճ, իսկ մարտը՝ փետրվարի հանդեպ՝ 21–23%, այսինքն տարվա սկզբից ինչ–որ մեկն ուզում է արջի ծառայություններ մատուցել ոլորտի պատասխանատուներին»: