Այսօր կառավարության շենքի առջև մահացած զինվորների մայրերի հերթական բողոքի ակցիայի ժամանակ Կարճաղբյուրի զորամասում էլեկտրահարումից մահացած Տիգրան Օհանջանյանի մոր` տիկին Գոհարի ու ոստիկաններից մեկի միջև վեճ է առաջացել: Կնոջը չեն թողել նստել շենքի աստիճաններին ու հրելով հեռացրել են աստիճանների մոտից։

Վահե Ավետյանի իրավահաջորդի փաստաբանները «Հարսնաքար» ռեստորանային համալիրի գործի կապակցությամբ հադես են եկել հայտարարությամբ։

«Վեր բարձրանալով մամուլում տարածում գտած ցավալի բանբասանքի մակարդակից և քաղաքապետի վերջին չորս տարվա գործունետության գնահատականը թողնելով աբովյանցուն, հարկ ենք համարում հայտարարել, որ «Բարգավաճ Հայաստան» կուսակցության Աբովյանի տարածքային կառույցը քաղաքապետի առաջիկա ընտրություններում սատարելու է տարածքային կառույցի ղեկավար, գործող քաղաքապետ Կարապետ Գուլոյանի թեկնածությունը»։

Լոնդոնի օլիմպիական խաղերին մասնակցող Նոր Զելանդիայի պատվիրակության օլիմպիական տանը երեկ հրդեհ է բռնկվել: Լոնդոնի կենտրոնում գտնվող օլիմպիական տնից տարահանվել է 300 մարդ:

իրանական կողմը հայտարարել է, որ մինչև սեպտեմբերի 1-ը սառեցվում է Թուրքիայի հետ առանց մուտքի վիզային ռեժիմը՝ որոշումը պատճառաբանելով Իրանում «Չմիավորման շարժման» գագաթնաժողովի անցկացմամբ:

Օգոստոսի 8-ին, ժամը 10.30-ին, Երևանի Անդրանիկի փողոցում իրար են բախվել «ԳԱԶ-32213» մակնիշի երկու միկրոավտոբուս, ինչի հետևանքով երկու ուղևորներ մարմնական վնասվածքներով տեղափոխվել են հիվանդանոց:

Տարոն Մարգարյանի հանձնարարությամբ ձևավորվել է քաղաքապետին կից քաղաքաշինական խորհրդի բնապահպանության հանձնաժողով: Հանձնաժողովի կազմում ընդգրկված են 19 բնապահպանական ուղղվածության հասարակական կազմակերպությունների ներկայացուցիչներ, գիտնականներ, քաղաքացիական նախաձեռնությունների անդամներ:

Թուրքիայի ներքին գործերի նախարար Իդրիս Նայիմ Շահինը հայտարարել է, որ վերջին շրջանում Թուրքիայում ոչնչացվել է Քրդական աշխատավորական կուսակցության 170 գրոհային։ Ինչպես հաղորդում է թուրքական «Սաբահ» թերթը՝ զոհվածների մեջ կան նաև ՀՀ քաղաքացիներ։ Լրացուցիչ տեղեկատվություն, սակայն, չի հաղորդվում։

Մահացածների մեծ մասը տարեց մարդիկ են: Շուրջ 800 մարդ հոսպիտալացվել է:Երկրում միջին ջերմաստիճանը գերազանցում է 35 աստիճան Ցելսիուսը:Շոգ եղանակը վնաս է հասցրել 465 ֆերմերային տնտեսությունների, սատկել են ավելի քան 1 միլիոն կենդանիներ: Շուկայում գրանցվել է գյուղատնտեսական ապրանքների գների կտրուկ աճ:

Օգոստոսի 8-ին Վայոց ձորի մարզից տեղեկություն է ստացվել, որ ժամը 14.15-ի սահմաններում թունավորումով (դոշաբի փոխարեն օգտագործել է օլիֆ) Վայքի հիվանդանոց է տեղափոխվել նույն քաղաքի բնակչուհի` 1947 թ. ծնված Հռիփսիմե Սարգսյանը։

Օգոստոսի 8-ին կայացավ Հայաստանի ԱԳ նախարար Էդվարդ Նալբանդյանի այցելությունը Ինդոնեզիայի Հանրապետություն:

Սիրիական լրատվամիջոցների փոխանցմամբ՝ Հալեպում ընթացող թեժ մարտերի արդյունքում ապստամբները նահանջել են Սալահեդին թաղամասից։ Հաղորդվում է, որ քաղաքի այդ հատվածն արդեն վերահսկում են կառավարական զորքերը։

Հիշեցնենք, որ Հայաստանն ունի 3 մեդալ. օլիմպիական բրոնզ են նվաճել ծանրամարտիկ Հռիփսիմե Խուրշուդյանն ու ըմբիշ Արթուր Ալեքսանյանը, իսկ Արսեն Ջուլֆալակյանը, ով նույնպես ըմբիշ է, նվաճել է արծաթե մեդալ։ Այս պահի դրությամբ թիմային հաշվարկով Հայաստանը 48-րդ տեղում է։

Օգոստոսի 8-ին, ժամը 15.58-ին ահազանգ է ստացվել, որ Երևանի Էրեբունի վարչական շրջանի Վերին Ջրաշեն գյուղի 1-ին փողոցի թիվ 6 տանն օձ է նկատվել, և անհրաժեշտ է փրկարարների օգնությունը:

Լիբիայի Անցումային ազգային խորհուրդն լիազորությունները փոխանցել է Համընդհանուր ազգային կոնգրեսին: Արարողությունը տեղի է ունեցել օգոստոսի 8-ի ուշ երեկոյան Տրիպոլիում:Այժմ Կոնգրեսը նոր կառավարություն կձևավորի, ինչպես նաև նոր սահմանադրություն կմշակի, որի դրույթները հիմք կդառնան ապագայում ընտրություններ անցկացնելու համար:

Մելիք Ջանոյանը որակավորման փուլի Բ ենթախմբում հանդես եկավ։ Մեր մարզիկը բավական ցածր արդյունք ցույց տվեց՝ իր ենթախմբի 21 մասնակիցների շարքում 72.64մ արդյունքով գրավելով 18-րդ տեղը։

Գյումրու քաղաքապետ Վարդան Ղուկասյանը տեղեկանք ստանալու նպատակով դիմել է ՀՀ ոստիկանության վիզաների և անձնագրերի վարչության Գյումրու բաժին: Տեղեկանքը տրամադրվում է առ այն, որ անձը ՀՀ մշտական քաղաքացի է և վերջին 6 ամիսների ընթացքում բնակվում է տվյալ քաղաքում, որտեղ պատրաստվում է առաջադրել իրենց թեկնածությունը:

«Կանեփ-կակաչ-2012» համալիր կանխարգելիչ միջոցառման շրջանակներում օգոստոսի 7-ին ոստիկանության տարբեր ստորաբաժանումների ծառայողների կողմից իրենց վարչական տարածքներից հավաքվել և այրելով ոչնչացվել է ընդհանուր առմամբ 2662 կգ կանեփի բույսի կանաչ զանգված: