«ՌԻԱ նովոստի»–ին Մոլդովայի հայկական համայնքի նախագահ, քաղաքագետ Էռնեստ Վարդանյանը հայտնել է, որ Քիշնևում տապալել են Հայոց ցեղասպանության մասին թուրք ռեժիսոր Ֆաթիհ Աքընի «Սպի» ֆիլմի ցուցադրությունը:

Համապատասխան հրահանգը, Վարդանյանի խոսքերով, ստացվել է կառավարական շրջանակներից։

«Ֆիլմի ցուցադրության տապալումը Մոլդովայում դիվանագիտական սկանդալ կառաջացնի: Դեսպանները հեռացան՝ վիրավորված տեղի ունեցածից: Հայաստանի ԱԳՆ-ն արդեն տեղեկացվել է կատարվածի մասին»,- նշել է Վարդանյանը։

Այս օրերին Մոլդովայում անցկացվում են Հայոց ցեղասպանության զոհերի հիշատակի օրեր. կազմակերպվել են համաժողովներ, հանրահավաքներ, որոնց ներկա են եղել մոլդովացի քաղաքական գործիչներ, տարբեր երկրների դեսպաններ, լրագրողներ, քաղաքացիական ակտիվիստներ։

7or.am