«Solar Impulse 2» արևային մարտկոցներով ինքնաթիռն այսօր Միացյալ Արաբական էմիրություններից կմեկնի առաջին շուրջերկրյա ճանապարհորդությանը։ Այս մասին, «ՏԱՍՍ»–ի փոխանցմամբ, նախօրեին «NBC» հեռուստաընկերությանը հայտնել է ծրագրի նախաձեռնողներից մեկը՝ Անդրե Բորշբերգը։

Օդային ճանապարհորդությունը կտևի 5 ամիս։ Այդ ընթացքում օդանավը կթռչի 35 հազ կմ։ Ինքնաթիռը հերթականությամբ կվարեն Բորշբերգը և շվեյվարացի օդագնաց Բերտրան Պիկարը։

Աբու–Դաբիից ինքնաթիռը 12 ժամվա ընթացքում կհասնի Օման։ Ժամանակակից ուղևորատար օդանավերն այդ տարածությունը հաղթահարում են 1 ժամում, քանի որ դրանք գործի են դնում ռեակտիվ շարժիչները։ Օմանից ինթնաթիռը կմեկնի Հնդկաստան, այնուհետև՝ Չինաստան։ Այնտեղից Խաղաղ օվկիանոսի վրայով կուղևորվի ԱՄՆ և եվրոպական երկրներ։

Նշվում է, որ ինքնաթիռը չի մտնի Ռուսաստանի օդային տարածք։ Թռիչքի ընթացքում նախատեսվում է 12 վայրէջք. երթուղու վերջին հանգրվանը ծրագրված է ՄԱԷ–ում։

7or.am