ՌԴ–ում Յանուկովիչին համարում են լեգիտիմ նախագահ, այդ իսկ պատճառով նա ապահովագրված է քրեական հետապնդումից։ НТВ հեռուստաընկերության եթերում հայտարարել են, որ Կիևից հնարավոր հայցը՝ արտահանձնելու Ուկրաինայի չորրորդ նախագահ Վիկտոր Յանուկովիչին, որը հայտարարված է միջազգային հետախուզման մեջ ուկրաինական իշխանությունների կողմից, չի կարող բավարարվել ռուսական կողմից։

«Յանուկովիչին արտահանձնելու Կիևի հնարավոր հայցի դեպքում ավելի շուտ կտրվի բացասական պատասխան, քանզի նա դե յուրե շարունակում է մնալ Ուկրաինայի նախագահը և, համապատասխանաբար, ունի իմունիտետ քրեական հետապնդումից։ Պաշտոնանկ արված առաջնորդը կարող է քաղաքական ապաստան խնդրել Ռուսաստանից, որը նրան չարտահանձնելու հիմք կդառնա»,–նշել են եթերում։

Տեղեկացնում է «korrespondent.net»–ը։