Կիևի կենտրոնում նախօրեին լուրջ բախումներ են  տեղի ունեցել։ Բարիկադների տարբեր կողմերում «Լեզվի մասին օրենքում» փոփոխություններ կատարելու օրինագծի կողմնակիցներն ու ընդդիմացողներն են։ Այս մասին հաղորդում է «Ինտերֆաքս»–ը։

«Ուկրաինական տան» մոտ, որտեղ այսօր կայանալու է նախագահ Վիկտոր Յանուկովիչի մամուլի ասուլիսը, երեկվանից հավաքվել է մոտ 500 մարդ։ Նրանք բողոքում են Ուկրաինայում ռուսաց լեզվի կարգավիճակը բարձրացնելու դեմ։ Նրանց փորձել են ետ մղել հատուկ ջոկատայինները, որոնց թիվը հասել է մի քանի հարյուրի։

Նշենք, որ երեքշաբթի երկրի խորհրդարանը երկրորդ ընթերցմամբ նույնպես ընդունել է ռուսաց լեզվին Ուկրինայում տեղային կարգավիճակ տալու օրինագիծը, ինչից հետո ընդդիմությունը հացադուլ է սկսել։