ԱՄՆ Ֆլորիդա նահանգում մի ընտանիք են հանել չվերթից, քանի որ 18 ամսական աղջկա անունը եղել է ահաբեկչության մեջ կասկածվող անձանց ցուցակում։ Միջադեպը տեղի է ունեցել մայիսի 8–ին Ֆորտ Լոդերդեյլ քաղաքում։

«JetBlue» ավիաընկերոթյան աշխատակիցն ինքնաթիռ է բարձրացել թռիչքից առաջ և հայտնել աղջկա ծնողներին, որ իրենց դստեր անունը «ստոպ ցուցակում» է։ Այդ ցուցակում ներառված են ահաբեկիչների և ահաբեկչության մեջ կասկածվող անձանց անունները։

Աղջկա հոր կարծիքով իր ընտանիքի հանդեպ ուշադրությունը պայմանավորված է եղել նրանով, որ իրենք ծագումով Մերձավոր Արևելքից են, իսկ իր կինը հիջափով է եղել։

«JetBlue» ավիաընկերությունը մայիսի 10–ին ներողություն է խնդրել, և տեղի ունեցածը համակարգչային վրիպակով է բացատրել։