Իսրայելի ռազմաօդային ուժերը վերջին 24 ժամվա ընթացքում գրոհել են շուրջ 50 տարբեր թիրախներ Գազայի հատվածում։

«Արմենպրես»- ի հաղորդմամբ՝ այս մասին նշված է իսրայելական ռազմաօդային ուժերի X-ի միկրոբլոգում տարածված հաղորդագրության մեջ:

Աղբյուրի պնդմամբ՝ թիրախները եղել են ՀԱՄԱՍ շարժման ջոկատներ, նրանց դիտակետեր և ռազմական ենթակառուցվածքներ։

Ըստ հաղորդագրության՝ Գազայի կենտրոնական հատվածում ռազմաօդային ուժերի աջակցությամբ ոչնչացվել են ՀԱՄԱՍ-ի ​​ստորաբաժանումներ և զենքի պահեստ։