Գազայի կենտրոնական և հյուսիսային հատվածում իսրայելական մի շարք հարձակումների հետևանքով առնվազն 38 պաղեստինցի է զոհվել, կան բազմաթիվ վիրավորներ: Այս մասին հայտնել է Al Jazeera հեռուստաալիքը։

Ըստ հեռուստալիքի՝ վերջին ժամերին օկուպացիոն ինքնաթիռներն ու հրետանին զանգվածային հարձակումներ են իրականացրել Պաղեստինյան անկլավի կենտրոնական հատվածում գտնվող Դեյր էլ Բալահ և Գազա քաղաքների վրա։ Հաղորդվում է, որ առնվազն 12 մարդ, այդ թվում կանայք և երեխաներ, զոհվել են Դեյր ալ-Բալահում օգնության պահեստի ռմբակոծության հետևանքով:

Պաղեստինի առողջապահության նախարարության տվյալներով՝ 2023 թվականի հոկտեմբերի 7-ից Գազայում Իսրայելի շարունակվող ագրեսիան հանգեցրել է 35,800 պաղեստինցիների մահվան, ևս 80,200 վիրավորների, իսկ ավելի քան 7,000 խաղաղ բնակիչներ դեռևս անհետ կորած են համարվում։

Իսրայելի գործողությունները հանգեցրել են Գազայի հատվածով մոտ 2 միլիոն մարդու հարկադիր տեղահանմանը, իսկ տեղահանվածների ճնշող մեծամասնությունը հարկադրված է եղել խիտ բնակեցված հարավային Ռաֆահ քաղաք՝ Եգիպտոսի սահմանի մոտ:

Աղբյուրը՝ news.am