«Ռոսպոտրեբնադզորը» դադարեցնում է «Ջերմուկ» ապրանքանիշի հանքային ջրի առանձին խմբաքանակների իրացումը ՌԴ տարածքում՝ անվտանգության ստուգման նպատակով։ Լրագրողների հետ զրույցում տեղեկությունը հայտնել են գերատեսչության մամուլի ծառայությունից։

Նշվում է, որ ավելի վաղ տեղեկություններ էին ստացվել այն մասին, որ «Ջերմուկ» ապրանքանիշի հանքային ջուր խմելուց հետո Վլադիկավկազ քաղաքի բնակիչը կերակրափողի այրվածքներ է ստացել։

«Ռոսպոտրեբնադզորից» հայտնում են, որ վաճառքի դադարեցումը կվերաբերի 2023 թվականի դեկտեմբերի 28-ից մինչև 2024 թվականի փետրվարի 12-ն ընկած ժամանակահատվածում 0,5 լիտր ծավալով ապակե տարաներով փաթեթավորված և Ռուսաստանի Դաշնության տարածք ներմուծված ապրանքներին։

Խոսքը վերաբերում է բացառապես դեկտեմբերի 28-ի արտադրության ջրին։

Աղբյուրը՝ armeniasputnik.am