Ֆուտբոլի միջազգային ֆեդերացիան` ՖԻՖԱ-ն, կարող է արգելել ֆուտբոլիստներին թքել խաղի ժամանակ:

«Արմենպրես»-ի հաղորդմամբ` այս մասին գրում է Daily Mail-ը: Եթե ֆուտբոլիստները խախտեն կանոնը, կարող են մրցավարի կողմից պատժվել դեղին քարտով: Նման որոշումը կապված է կորոնավիրուսի պանդեմիայի հետ, քանի որ վիրուսը փոխանցվում է նաև թքի միջոցով:

Ապրիլի 28-ի տվյալներով աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 3 միլիոն 083 հազար 464: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 212 հազարը: Ապաքինվել է 934 հազար 150 մարդ: