Աշխարհ

09.12.2019 20:35


Թուրքիայից արտաքսվել է Ֆրանսիայի քաղաքացի

Թուրքիայից արտաքսվել է Ֆրանսիայի քաղաքացի

«Իսլամական պետություն» (ԻՊ) ահաբեկչական կազմակերպության՝ Ֆրանսիայի քաղաքացիություն ունեցող 11 ձերբակալված զինյալ վտարվել է Թուրքիայից: Այդ մասին հայտարարել է Թուրքիայի ներքին գործերի նախարարությունը՝ տեղեկացնելով, որ շարունակվում է տարբեր երկրներից ժամանակին ԻՊ-ի կազմում պատերազմելու մեկնած, ապա ձերբակալված ու Թուրքիայի ձեռքն ընկած ահաբեկիչների հանձնումը իրենց երկրներին:

Հաղորդվում է նաև, որ նոյեմբերի 11-ից մինչև դեկտեմբերի 9-ը ընկած ժամանակահատվածում Թուրքիան արդեն 71 զինյալների ուղարկել է իրենց երկրներ:

Գործընթացի մեկնարկից առաջ եվրոպական երկրները հայտարարել էին, որ չեն ցանկանում հետ ընդունել Սիրիա ժամանակին պատերազմելու մեկնած իրենց քաղաքացիներին: Սակայն Թուրքիայի ՆԳ նախարար Սուլեյման Սոյլուն ասել էր, որ ամեն գնով հետ են ուղարկելու իրենց ձեռքում հայտնված օտարերկրյա ահաբեկիչներին, քանի որ Թուրքիան օտարերկրյա ԻՊ-ականների հյուրանոցը չէ:

Ավելացնենք, որ ԻՊ-ի ահաբեկիչները Թուրքիայի ձեռքում են հայտնվել Սիրիայում Անկարայի սկսած «Խաղաղության ակունք» ռազմագործողության ժամանակ:

Աղբյուրը՝ ermenihaber.am

Այս խորագրի վերջին նյութերը