Ավստրիայի ԱԳՆ ղեավար Սեբաստիան Կուրցը տեղական APA գործակալությանը տված հարցազրույցում հայտարարել է, որ եթե Թուրքիայի հետ ԵՄ բանակցությունները շարունակելու վերաբերյալ որոշում ընդունվի, ինքը վետո կկիրառի։

Այս մասին հայտնում է «Deutsche Welle»-ն:

«Թուրքիան օրինական պետության, ժողովրդավարության և մարդու իրավունքների տեսանկյունից բացասական զարգացում է գրանցել»,- նշել է նա:

Կուրցն անհրաժեշտ է համարել, որ ԵՄ արտգործնախարարների նիստին ընդունված որոշման մեջ առնվազն պարունակվի բանակցությունների սառեցման պահանջը:

Նշենք, որ այսօր՝ դեկտեմբերի 12-ին, ԵՄ արտգործնախարարները հանդիպելու են Բրյուսելում: Քննարկվելու է նաև Թուրքիայի հետ անդամակցության շուրջ բանակցությունների շարունակման հարցը:

7or.am