Անգլիական «Daily Mail» պարբերականն անդրադարձել է Ուկրաինայի ՆԳ նախարար Արսեն Ավակովի 24-ամյա տեղակալ Անաստասիա Դեեւային, իսկ ավելի ճիշտ՝ նրա նյու ոճով լուսանկարներին:

Թերթը նաեւ հրապարակել է Դեեւայի մերկ լուսանկարները: Հոդվածում շեշտվում է, որ Ուկրաինայում աղջիկը սուր քննադատութան եւ հարձակման է ենթարկվել համացանցում հայտնված այս լուսանկարների պատճառով:

Ավելացնենք նաեւ, որ Ուկրաինայում նա հարձակման է ենթարկվում նաեւ իրավաբանական կրթություն չունենալու եւ չափից դուրս երիտասարդ լինելու համար:



Արսեն Ավակովը պաշտպանում է իր տեղակալին եւ նրա քննադատողներին անվանում անմակարդակներ:

Նշվում է նաեւ, որ Դեեւան Արսեն Ավակովի սիրուհին է, եւ որ այդ մասին փսփսում են ՆԳ նախարարությունում:





Ուկրաինայի խորհրդարանի փոխխոսնակ Իրինա Գերաշչենկոն եւս պաշտպանել է Անաստասիային՝ նշելով, թե լուսանկարները նրա անձնական գործն են, բայց քննադատել է նրան փոխնախարար նշանակելու գործընթացը՝ շեշտելով, որ այն ընթացել է օրենսդրության խախտումներով:

«Daily Mail»-ի տեղեկություններով՝ Դեեւան մանկությունն անցկացրել է Մանչեսթերի մոտակայքում գտնվող փոքրիկ քաղաքում: Նա տեղափոխվել է Ուկրաինա եւ աշխատել արդեն 18 տարեկանից, եղել է պատգամավորի օգնական:

Ի դեպ, Դեեւան նաեւ ամուսին ունի՝ 33-ամյա Գրիգորին: Նա գովազդային ընկերության համասեփականատեր է: Նա պատրաստվում է դատի տալ կնոջ լուսանկարները տարածող ֆեյքին:

Աղբյուրը՝ «Top-News.am»