Հոլիվուդյան դերասան Ջիմ Քերրիին կասկածում են նախկին ընկերուհու՝ Կատրինա Ուայթի սպանությանը մեղսակցություն ունենալու մեջ։ «Reuters»–ի փոխանցմամբ՝ հայցը Լոս Անջելեսի Բարձրագույն դատարան է ներկայացրել Ուայթի ամուսինը՝ Մարկ Բերթոնը։

Քերրին և Ուայթը հանդիպում էին 2012–ին։ Մի քանի ամսվա սիրավեպից հետո նրանք բաժանվեցին, իսկ 2015-ի մայիսին վերստին միավորվեցին։ Նրանց մտերիմների խոսքով՝ սիրահարները բաժանվեցին Ուայթի մահից մոտ 1 շաբաթ առաջ. 2015–ի սեպտեմբերին Ուայթն ինքնասպանություն գործեց։

Բերթոնը Քերրիին մեղադրում է Ուայթին դեղատոմսերով վաճառվող հաբեր տալու համար։

Իր հերթին Քերրին հայցը «սարսափելի խայտառակություն» է անվանել։

«Կյանքում կան պահեր, երբ հարկավոր է կանգնել ու պաշտպանել սեփական պատիվն այս աշխարհի չարից»,–ասել է դերասանը՝ հավելելով, որ չի հանդուրժի իրեն ու իր սիրած կնոջը շահագործելու «անսիրտ» փորձը։

7or.am