Բրիտանական սուպերմոդել Քեյթ Մոսը բացել է իր սեփական մոդելային գործակալությունը՝ «Kate Moss Agency»։ Այս մասին հաղորդում է «The Telegraph»–ը։

Նա որոշել է օգտագործել սեփական փորձը նորաձևության արտադրության մեջ՝ երիտասարդ տաղանդավոր մոդելների համար ճանապարհ հարթելու նպատակով։

«Ինձ հարկավոր չեն ուղղակի գեղեցիկ մարդիկ. ինձ պետք են այնպիսիները, ովքեր ուզում են երգել, պարել և խաղալ։ Ես ցանկանում եմ աստղեր ստեղծել»,– ասել է նա։

2016թ. ապրիլին Մոսը խզել է պայմանագիրը «Storm» գործակալության հետ։

«28 տարվա հաջողակ հարաբերություններից հետո Քեյթը լքեց մեզ, որպեսզի ինքնուրույն ղեկավարի իր կարիերան»,–մեկնաբանել են գործակալության ներկայացուցիչները՝ ընգծելով, որ նախկինի պես աջակցելու են 42–ամյա մոդելի նախաձեռնություններին։

7or.am