Ամերիկյան «Tommy Hilfiger» ապրանքանիշը նոր օծանելիք է թողարկել «The Girl» անվանումով։ Այս մասին հաղորդում է «Лента.ру»–ն։ Գովազդային արշավին մասնակցել է սուպերմոդել Ջիջի Հադիդը։

««The Girl» բուրմունքը ստեղծված է նրանց համար, ովքեր հավատարիմ են իրենց համոզմունքներին և հաճույք են ստանում դրանցից։ Ինձ համար դա նշանակում է կարողանալ ինքդ քեզ վրա ծիծաղել և շրջապատել քեզ այնպիսի մարդկանցով, ովքեր երջանկություն են պարգևում»,– մեկնաբանել է Հադիդը։

Բույրը ստեղծելիս օգտագործվել են մանուշակի և թզենու, ինչպես նաև հասմիկի և հովտաշուշանի տերևներ։

Սրվակի դիզայնում օգտագործվել են ծովային մոտիվներ՝ «Tommy Hilfiger»–ի այցեքարտը։ Այն լրացված է խարսխի վառ լուսանկարով և ոսկեգույն փականով, որը հիշեցնում է նավաստու վերարկուի կոճակները։

7or.am