«Ջեբհաթ ան Նուսրա» ահաբեկչական խմբավորման գրոհայինները գնդակոծել են Հալեպի Մայդենի շրջանի շուկան. կատարվածի հետևանքով զոհվել է 5 մարդ, ավելի քան 50–ը՝ վիրավորվել։ Այս մասին հաղորդել են Սիրիայում հրադադարի համակարգման ռուսական կենտրոնից։

Նախնական տվյալներով՝ գրոհայինները գնդակոծել են շուկան գազի ականապատ բալոններով։ Պատահարի հետևանքով 2 տասնյակ բնակելի տուն է վնասվել։

Նշվում է նաև, որ ծայրահեղականները շարունակում են գնդակոծել Իդլիբ նահանգի Ֆուա քաղաքը և Արդ էլ Վաթայի ու Ռաշայի բնակավայրերը՝ տեղակայված Լաթաքիայում։ «Ջեբհաթ ան Նուսրան» գրոհել է նաև կառավարական զորքերի բլոկպոստերը։

7or.am