Ռուս զինվորականները մարդասիրական օգնություն են տրամադրել սիրիական Հալեպում բնակվող 65 ռուսախոս ընտանիքի։ Այս մասին, ինչպես տեղեկացնում է ՌԻԱ «Նովոստին», հայտնել է Սիրիայում պատերազմող կողմերի հաշտեցման կենտրոնի ներկայացուցիչ Յուրի Վոլոդչենկոն:

Աղբյուրի փոխանցմամբ` ակցիան տեղի է ունեցել 2013թ. իր աշխատանքներն ավարտած ՌԴ հյուպատոսության շենքում:

Բնակիչները ստացել են սննդամթերք պարունակող տոպրակներ, իսկ երեխաների համար զինծառայողները պատրաստել են վաֆլիներ, թխվածքաբլիթներ և քաղցրավենիք:

«Մենք շփվում ենք նրանց հետ, տեղեկանում խնդիրների մասին և փորձում օգնել: Մեր հայրենակիցների խոսքերով` Հաշտեցման կենտրոնի միայն առկայությունը նրանց համար արդեն իսկ փրկություն է: Նրանք իրենց ավելի վստահ են զգում», - հայտնել է Վոլոդչենկոն:

7or.am