Իրանի քաղաքացիներն այս տարի չեն կարող մասնակցել Սաուդյան Արաբիայում կայանալիք հաջի արարողությանը, քանի որ Էր–Ռիադը սաբոտաժի է ենթարկել Իսլամական Հանրապետության ուխտագնացների համար պայմանների ստեղծումը։ Այս մասին, ՏԱՍՍ–ի փոխանցմամբ, հայտարարել է Իրանի մշակույթի եւ իսլամական ուղղվածության նախարար Ալի Ջանաթին ազդեցիկ շիա այաթոլլաներից մեկի հետ հանդիպմանը։

«Հաջի համար պայմաններ չեն ապահովվել։ Մենք գործադրեցինք բոլոր ջանքերը, բայց Սաուդյան Արաբիան սաբոտաժի է ենթարկել դրանք»,- մեջբերում է IRNA-ն Ջանաթիի խոսքը։

Նշվում է, որ Սաուդյան Արաբիան խոչընդոտել է ուխտագնացներին վիզաների տրամադրումը, ավիահաղորդակցության եւ ուխտագնացների անվտանգության ապահովումը։ Սաուդյան Արաբիայի իշխանությունները կարծում են, որ ուխտագնացները պետք է դիմեն երրորդ կողմին վիզա ստանալու համար։

7or.am