Բրիտանացի ձկնորսները 80 կգ կշռող ձուկ են բռնել՝ օգտագործելով իրենց մահացած ընկերոջ աճյունից մնացած մոխիրը:

Ինչպես տեղեկացնում է «Daily Express», նման քայլով ընկերները որոշել են հարգանքի տուրք մատուցել իրենց մահացած ընկերոջը:

Աղբյուրի փոխանցմամբ՝ երեք ընկերները վաղեմի ձկնորսներ էին, ովքեր իրենց հոբբիի համար ընտրում էին տարբեր երկրներ: Այսպես, օրինակ, անցած տարի նրանք այցելել են Թայլանդ՝ հազվագյուտ ձկներ որսալու համար: Նրանք այնքան են հավանել երկիրը, որ որոշել են ևս մեկ անգամ գնալ այս տարվա ապրիլին, սակայն նրանց ընկեր Ռոն Հոփերն ուղևորությունից առաջ մահացել է: Այնուամենայնիվ, ընկերները որոշել են կատարել իրենց ընկերոջ երազանքը և նորից գնալ Թայլանդ:

Նրանք խնդրել են Հոփերի կնոջը իրենց տրամադրել ընկերոջ աճյունից մնացած մոխիրի մի մասը, որպեսզի նա էլ ներկա լինի իր վերջին ձկնորսությանը:

Տղամարդիկ խառնել են մոխիրը խայծի հետ՝ անվանելով այն «վարդագույն Ռոնի», և հենց այդ խայծով էլ նրանց հաջողվել է 80 կգ քաշ ունեցող ձուկ բռնել:

7or.am