«Ծեծն այն հոդվածն է, որ եթե տուժողը հաշտվում է մեղադրյալի հետ, գործի վարույթն անմիջապես կարճվում է»։

«Հայաստանում իշխանական ճահիճ կա, այդ ճահիճն առանձնապես ո՛չ փորձ է արվել չորացնելու, ո՛չ էլ խորացել է։ Բայց այս վիճակը շատ վտանգավոր է»։

«Ես արդեն ասացի՝ ինչ պետք է ասեի, ավելացնելու այլ բան չունեմ։ Մենք այստեղ ասելու բան չունենք, որովհետև դա այդ կնոջ և մարզպետի հարցն է»։

«Զարգացման այս ընթացքը ոչ մի լավատեսական բան ինձ չի հուշում առաջին հերթին ներքաղաքական դաշտում, և հետո պարզապես վախենում եմ մտածել, թե նման միտումներն ինչ հետևանքներ կարող են ունենալ մեր երկրի արտաքին իրավիճակի համար»։

«Նախագահի կողմից այդ ոչ համարժեք արձագանքը բացահայտում է իշխանությունների չկամությունը իրապես ազատ և միջազգային ժողովրդավարական չափանիշներին համապատասխանող ընտրություններ անցկացնելու ուղղությամբ»։

«Ով չմիացավ ընտրակեղծիքների դեմ պայքարին, նա վերանալու է որպես քաղաքական ուժ»։

«Նախ՝ ո՞վ ասաց, որ Լարիսա Ալավերդյանին կողմ քվեարկած չորսն էլ հենց «Ժառանգությունից» են եղել։ Թող մի հատ իրենք իրենց մեջ ճշտեն դա»։

«Մտայնությունը, որ քաղաքական կոալիցիայում քաղաքական ուժերը պետք է դառնան մե՛կ մարմին, միաձույլ մի բան, մենք դրա հետ համամիտ չենք։ Հակառակը զարմանալին նա է, որ նման ինքնուրույնության դրսևորումները կարող են խանդի տեղիք տալ»։

«Ընդդիմությունը պետք է համապատասխան հետևություններ անի և համապատասխան գործողություններ իրականացնի»։

«Մենք ասել էինք՝ այս ռեժիմի հետ գնալ երկխոսության և սպասել որևիցե դրական արդյունքի, առնվազն միամտություն է...Գիտեք, քաղաքականությունում դիլետանտները համարվում են... շատ կոպիտ բառ կա, չեմ ուզում օգտագործել։ Իսկ ԲՀԿ–ի մասով, կարծում եմ, որ սա ճիշտ հաշվարկ է Լևոն Տեր–Պետրոսյանի կողմից և չպետք է շահարկել»։

«Իմ կարծիքը շատ–շատ հարցերում, նաև ԲՀԿ–ի հետ հնարավոր համագործակցության մասով համընկնում է Տեր–Պետրոսյանի կարծիքին»։

«Ես ասեմ, որ մեր կուսակցությունը ժամանակին ևս այդ մասին (ՀԱԿ–իշխանություն երկխոսություն) կարծիք հայտնել է, և կարող եք այդ ժամանակվա հրապարակային ելույթները նայել և այդ հարցի պատասխանը կգտնեք։

«Կարող եմ ասել, որ ոստիկանները հասարակական կարգի պահպանության ընթացքում ավելի պատշաճ են իրենց վարքագծում, քան երեք, չորս, հինգ տարի առաջ էր»։

«Մենք 2009թ․ ամենամեծ հարվածը ստացած երկրորդ տնտեսությունն էինք։ Մենք 14,5 տոկոս անկում ունեցանք, որը Հայաստանի տնտեսության համար չափազանց մեծ է»։

«Ես չեմ անդամագրվել ՕԵԿ–ին։ Ուղղակի ասել եմ, որ հնարավոր է, և անհրաժեշտ է։ Երկրի ապագան կուսակցությանն անդամագրվելն է. երկրի կառավարման համար ուրիշ ճանապարհ չկա, քան կուսակցությունների միջոցով...»։

«Սեփանակատիրությունը բոլորի իրավունքն է։ Օրինակ՝ մարդը կարող է իր կոշիկի՛ նկատմամբ սեփականության իրավունք ունենալ, իսկ գործարարը՝ կոշիկի՛ գործարանի։ Սեփականատերը հո չի՞ զբաղվում իր կոշիկը կարելով։ Սերժ Սարգսյանը նկատի է ունեցել հենց այն մարդկանց, որոնց զբաղմունքի ոլորտը գործարարությունն է»։

«Երևանում «Պարսկական աշտարակի» նման շենք կառուցելուն վերաբերվում եմ դրական, կենտրոնում՝ վերապահումով: Մի քանի վայրերում կարող եմ պատկերացնել նման շենք միայն»։

«Ցանկացած քաղաքացի պետք է ունենա իր դիրքորոշումը այն հարցերում, որոնք կապված են պետության և պետականության հետ՝ լինի նա քաղաքականության մեջ թե արվեստի, կամ ցանկացած այլ ոլորտում»։