Գեղամ Նազարյան. «Վստահ եմ, որ Մուբարաքը եւ Քադաֆին նույնպես հաշվի չէին նստել գիտության զարգացման հետեւանքների հետ: Հաշվի չէին առել եւ ավելի քան ծանր պարտություն կրեցին: Հիմա նույն իրավիճակն է Հայաստանում»։

Վարդան Մխիթարյան. «Հիմա մենք արդեն ունենք էթիկայի հանձնաժողով: Այսպիսով, կարող ենք արձանագրել, որ այսուհետ Սյունիքի մարզպետը կին գործարարներին ավելի նուրբ կապտակի, իսկ կաշառակերներն էլ կաշառքը վերցնելուց կպահպանեն էթիկայի կանոնները եւ անպայման գրավոր ու բանավոր շնորհակալություն կհայտնեն»։

Դերենիկ Մալխասյան. «ՀՀԿ-ն և նրա առաջնորդ Սերժ Սարգսյանն ատամներով պաշտպանում են մեծամասնական ընտրակարգը, որովհետև նրանք մեզանից էլ ստույգ տեղեկատվություն ունեն, որ իշխող վարչակազմի վարկանիշը խայտառակ ցածր է, և այդ վարկանիշով համամասնական կարգով ընտրության գնալը կնշանակի տապալում»։

Էդիկ Անդրեասյան. «Արդարադատության նախարարի ուզածը ընդամենը 460 հազար 800 դրամ է, որպեսզի կարողանա Հայաստանի 192 կին բանտարկյալներին 5-ի փոխարեն ապահովել ամսական 6 միջադիրով: Չգիտեմ ով ինչպե՞ս, բայց ես ամոթից գետինը մտա` այս մասին կարդալով հայկական մասմեդիայում»։

Վարդան Մխիթարյան. «Սա աղետ է, որի հեղինակը «Հայկական աշխարհի» տիրակալն է իր շեֆի հետ»։

Հարութ Սասունյան. «Օբամայի կառավարության` իրար հաջորդ քաղաքական սայթաքումների հետևանքով Մեթյու Բրայզան ստիպված եղավ նախորդ շաբաթ լքել Ադրբեջանում դեսպանի իր պաշտոնը:»։

Շավարշ Շահբազյան. «Այն, ինչ անցած տարվա վերջին ներկայացրեցին մեր «ուտող, խմող, քեֆ անող» վարչապետը և իր թիմակիցները, ոչ այլ ինչ էր, քան դեմագոգիա»։

Գեղամ Նազարյան. «Հեքիաթի հայտնի հերոսի նման մենք կանգնած ենք մի կետում, որից ճանապարհը բաժանվում է երեք մասի»։

Անդրեաս Ղուկասյան. «Այն հասարակությունը, որն ունի պետական կառավարման համակարգում աշխատելու համար լավագույն մարդկանց առաջադրելու մեխանիզմ և ունի ընտրական մեխանիզմ, կարող է ժողովրդավարության միջոցով հասնել մերիտոկրատիայի՝ արժանի մարդկանց իշխանության»։

Հարութ Սասունյան. «Վերջին օրերին, Թուրքիայի ղեկավարությունը վախենալով հրաժարվեց ֆրանսիական ապրանքները բոյկոտ անելու իր ճոռոմ սպառնալիքներից...»։

Վարդան Մխիթարյան. «2011 թվականն իսկական ձեռքբերումների տարի էր վարչախմբի եւ հատկապես Սերժ Սարգսյանի եւ Տիգրան Սարգսյանի համար: Երկարատեւ աշխատանքը տվեց իր արդյունքները եւ տարվա վերջին կառավարությունը հնարավորություն ստացավ անապահովներին հատկացնել երեքական շիշ ձեթ»։

Արմենուհի Փալանդուզյան. «Որ Վիշապն սպառնում է նաև Հայաստանին, չխոստովանել չենք կարող։ Ու նրա երախի բացվածքը մեծանում է խորհրդարանական ընտրությունների մոտենալուն համընթաց»։

Մանվել Սարգսյանի.«Երբ Հայաստանում ասում են, որ եթե այս անգամ էլ իշխանությունները չգնան ընտրությունների, կլինի թավշյա հեղափոխություն, ապա այդ հեղափոխության ճանապարհի քարտեզը պետք է դրված լինի սեղանի վրա, եւ հասարակությունը պետք է իմանա, թե ինչպես է դա արվելու` քայլ առ քայլ»։

Գեղամ Նազարյան. «Ժողովուրդի ճնշող մեծամասնությունը կտրուկ փոփոխությունների է սպասում: Այդ փոփոխությունները ժողովուրդը կապում է մայիսին կայանալիք խորհրդարանական ընտրությունների հետ»։

Արմենուհի Փալանդուզյան. «Մենք գիտենք՝ ուրույն տոմարական համակարգ են ունեցել նաև հայերը»։

Վարդան Մխիթարյան. «Շատերին կարող է հետաքրքրել, թե ինչու Նազարբաեվը ոչ թե իր տղաներին է վստահել տարատեսակ գործերը, ինչպես որ, ասենք, Քադաֆին էր վարվում, այլ՝ փեսային։ Պատասխանը շատ պարզ է. Նազարբաեվը, ինչպես Սերժ Սարգսյանը, տղա չունի, դրա համար էլ առաջ է բրդել փեսային»։

«Սրան–նրան քծնելով կամ ծախվելով մի կերպ խորհրդարան սողոսկելուց առաջ պետք է մտածել քաղաքական պայքարի համար դաշտ ստեղծելու մասին՝ մի կողմ թողնելով նեղ անձնական ու կուսակցական շահերը։ Հակառակ դեպքում տարատեսակ խայտաբղետ ընդդիմադիրները չեն տարբերվի գործող վարչախմբից...»։

Գեղամ Նազարյան. «Վարչախումբը ծրագրել էր առանց ցնցումների, երգով ու պարով իրականացնել «Վերարտադրություն–2018» ծրագիրը, բայց յուրաքանչյուր նոր օրվա հետ ավելի են համոզվում, որ ոչ միայն անհնար է իրականացնել «Վերարտադրություն–2018»-ը, այլև «Վերարտադրություն 12-13»-ը»։