Այսօր ԿԳ նախարարի հրամանով պաշտոնից ազատված ՀՊԼՀ ռեկտոր Սուրեն Զոլյանն ասել է, որ ԿԳ նախարար Արմեն Աշոտյանն օրենքով սահմանված կարգով իրավունք չուներ ռեկտորի ժամանակավոր պաշտոնակատար նշանակել։ Այնուամենայնիվ, Արմեն Աշոտյանը դա արել է։ Սուրեն Զոլյանը ներկայացրել է նորանշանակ պաշտոնակատարի հրահանգները, որոնք ծիծաղելի է համարում, և որոնք, սակայն, լիովին համապատասխանում են հաստատված «սերժանտական համակարգին»։

Համաձայն ՊԲ օպերատիվ տվյալների, ապրիլի 29-ից մայիսի 5-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 300 անգամ, որի ընթացքում, տարբեր տրամաչափի հրաձգային զինատեսակներից, հայկական դիրքապահների ուղղությամբ արձակվել է ավելի քան 900 կրակոց:

ՀՀ առողջապահության նախարարությունը հայտնում է, որ մայիսի 4-ին Հանրապետության հրապարակում տեղի ունեցած արտակարգ պատահարի հետևանքով տուժած քաղաքացիներից 14-ը վերջին ժամերի ընթացքում դուրս է գրվել: Ներկա պահին մայրաքաղաքի բժշկական հաստատություններում բուժում է ստանում 80-ը:

Այսօր լրագրողների հետ հանդիպման ժամանակ ԿԳ նախարարի հրամանով պաշտոնից ազատված ՀՊԼՀ ռեկտոր Սուրեն Զոլյանը հայտարարել է, որ իր խնդիրն անձնական չէ. այն կրում է համակարգային բնույթ.

Թե որ կազմակերպությունը կամ անհատն է պատրաստել բռնկված այդ փուչիկները, այդպես էլ պարզել չի լինում։ «7օր»–ն այդ հարցը փորձել է ճշտել ՀՀԿ–ականներից, սակայն նրանք հեռախոսազանգերին չեն պատասխանում, իսկ ոստիկանությունից միայն ասում են, որ հանգամանքները պարզվում են, քննություն է ընթանում։

Այսօր լրագրողներին ՀՀ արդարադատության նախարարության Փորձագիտական կենտրոնի նյութագիտության բաժնի պետ Արսեն Ազիզյանն ասել է, որ երեկ Հանրապետության հրապարակում ՀՀԿ–ի կազմակերպած համերգ–հանրահավաքի ժամանակ պայթած փուչիկների մեջ, բացի հելիումից, ուրիշ գազ լցնելու իրավունք չունեին

Այսօր Սահմանադրական դատարանը քննում է մի շարք պատգամավորների կողմից ԸՕ մի քանի դրույթների վիճարկման վերաբերյալ դիմումը։

Երեկ Հանրապետության հրապարակում ՀՀԿ–ի կազմակերպած համերգ–հանրահավաքի ժամանակ բռնկված փուչիկները կարող էին լիցքավորված լինել ջրածնով կամ մեթանով։ Միայն այդ գազերը կարող են միաժամանակ օդ բարձրանալ և պայթելու հնարավորություն ունենալ։

Ի կատարումն Հայաստանի Հանրապետության ընտրական օրենսգրքի 6-րդ հոդվածի 8-րդ մասի` ՀՀ ոստիկանությունը հրապարակում է ՀՀ ընտրողների ռեգիստրում ընդգրկված ընտրողների ընդհանուր թիվը, յուրաքանչյուր լրացուցիչ ցուցակում ընդգրկված ընտրողների թվի նշմամբ:

Նշենք, որ «Հայաստանն առանց ընտրակեղծիքների» քաղաքացիական նախաձեռնությունն անդրադարձել էր մամուլի հրապարակումներին, որ իշխանությունները տարբեր քրեական տարրերի խոստանում են ազատ արձակել կալանքից, եթե նրանց բնակավայրերում ՀՀԿ-ն առավելագույն ձայներ ստանա: Ավելին, վերջին հրապարակումներում նշվում են կոնկրետ դեպքեր, երբ ազատազրկման դատապարտված անձինք գտնվում են ազատության մեջ։ Պարզաբանումների համար քաղաքացիական նախաձեռնությունը դիմել է ԱՆ–ին:

«Ինտերֆաքս» լրատվական գործակալության փոխանցմամբ՝ Ֆրանսիայի հայտնի 20 դեմքերը հայտարարություն են տարածել, որում կոչ են անում նախագահական ընտրությունների երկրորդ փուլում սատարել Նիկոլա Սարկոզիին։

Մեքսիկայի Նուևո–Լարեդո քաղաքում, որն ԱՄՆ–ի և Մեքսիկայի սահմանին է գտվում, 23 մարդու դիակ է հայտնաբերվել, ովքեր, նախնական տվյալներով, տեղի թմրադիլլերների զոհ են դարձել։

Մայիսի 5-ի՝ ժամը 10:00-ի դրությամբ, մայրաքաղաքի բժշկական հաստատություններում բուժում է ստանում մայիսի 4-ին Հանրապետության հրապարակում տեղի ունեցած արտակարգ պատահարի հետևանքով տուժած 94 քաղաքացի, որոնցից 25-ը գտնվում է վերակենդանացման բաժանմունքներում:

Մայիսի 4-ին՝ ժամը 21.57-ին, Հայաստանի արտակարգ իրավիճակների նախարարությունը տեղեկատվություն է ստացել, որ «Հաղթանակ» կամրջից պատրաստվում է ցած նետվել մոտ 30 տարեկան տղամարդ:

Վաղը՝ մայիսի 6–ին, Ֆրանսիայում տեղի է ունենալու նախագահի ընտրությունների երկրորդ փուլը։ Քարոզարշավը պաշտոնապես ավարտվել է, և կեսգիշերից գործում է քաղաքական ագիտացիայի արգելքը։

Առնվազն երկու մարդ զոհվել է, և գրեթե 300–ը վնասվածքներ է ստացել Կահիրեում ցուցարարների և անվտանգության ծառայության աշխատակիցների ու ոստիկանության միջև տեղի ունեցած բախումների ընթացքում։ Եգիպտոսի մայրաքաղաքի հիվանդանոցներ են տեղափոխվել 171 տուժածներ, որոնց թվում ինչպես ցուցարարներ են, այնպես էլ ուժային կառույցների աշխատակիցներ։

Համաձայն ՀՀ ընտրական օրենսգրքի՝ նախընտրական քարոզչության ժամանակահատվածը սկսվում է թեկնածուների, կուսակցությունների ընտրական ցուցակների գրանցման համար օրենսգրքով սահմանված ժամկետի վերջին օրվան հաջորդող 7-րդ օրը և ավարտվում քվեարկության օրվանից մեկ օր առաջ: Քվեարկության և դրան նախորդող օրը քարոզչությունն արգելվում է:

Մայիսի 4-ին Երևան քաղաքի Հանրապետության հրապարակում կազմակերպված միջոցառման ընթացքում բռնկվել են գազով լցված փուչիկները, ինչի հետևանքով միջոցառման մի քանի տասնյակ մասնակիցներ, այդ թվում` երեխաներ, ստացել են տարբեր բնույթի այրվածքներ և տեղափոխվել հիվանդանոց: