Ըստ iditord.org-ի՝ Մալաթիա-Սեբաստիայում Yerevan City-ի «Գազելներով» մարդկանց քվեարկության են բերում 121 դպրոցում տեղակայված Մալաթիա-Սեբաստիայում 7/24 ընտրատարածք։ Այս մասին Epress.am-ի հետ զրույցում հայտնել է նաև նույն տեղամասում ՀԱԿ-ի վստահված անձ Նաիրի Սարգսյանը:

Կայքը նաև գրել է, որ 3/22 ընտրատեղամասի հենց դռան մոտ ընտրակաշառք են բաժանում և տեղադրել է տեսանյութը՝ www.youtube.com/watch?v=ykPiyojt_uw&feature=youtu։

Ըստ պաշտոնական տվյալների, ժամը 11։00–ի դրությամբ իր քաղաքացիական պարտքն է կատարել ըտրողների 15,08 տոկոսը։ Այդ պահի դրությամբ, ամենաշատ ընտրողների թիվը գրանցվել է Սյունիքի մարզում՝ 20,25 տոկոս։ Իսկ ամենաքիչ թվով ընտրողներ ընտրություններին մասնակցել են Շիրակի մարզում՝ 11,86 տոկոս։

«Այս իրավիճակի կազմակերպաված լինելու մասին է վկայում նաև այն փաստը, որ առավոտյան ժամերին մեծ թվաքանակով քաղաքացիներ բերվում էին ընտրատեղամասեր և քվեարկության առաջին 2 ժամերի ընթացքում արձանագրվել են ընտրողների աննախադեպ մեծ կուտակումներ ընտրատեղամասերում: Արձանագրվել են նաեւ վստահված անձանց նկատմամբ բռնության, բաց քվեարկության, քվեարկության բնականոն ընթացքը խոչընդոտող դեպքեր»:

2012 թ. մայիսի 5-ի ժամը 9.00-ից մինչև մայիսի 6-ի ժամը 9 00-ի դրությամբ ՀՀ ոստիկանությունում գործող «Թեժ գծով» ԱԺ ընտրության ընթացքի վերաբերյալ ստացվել է 22 տեղեկություն, որից 10-ը` ընտրացուցակներում քաղաքացիներին ներգրավելու վերաբերյալ:

, ԲՀԿ և «Ժառանգություն» կուսակցությունների վստահված անձինք տեղակացրել են, որ տեղամասում հանկարծակի հայտնվել են մի խումբ ընտրողներ, առանց հերթի արագ քվեարկել են ու հեռացել։

Զինվորներին ուղղորդված բերում են ընտրատեղամասեր: Ընտրախցիկները գտնվում են պատուհաններին մոտ և դրսից հետևում են նրանց քվեարկությանը: Բացի այդ ընտրատեղամասերից քիչ հեռու համատարած բաժանվում են ընտրակաշառքներ:

–Քվեարկել եմ Հայաստանի առաջընթացի համար: Ուզում եմ և՛ այսօր, և՛ վաղը, և՛ մյուս օրը ամեն ինչը հանդարտ և խաղաղ լինի, ամեն ինչը ըստ օրենքների ընթանա,–իր քաղաքացիական պարտքը կատարելուց հետո ասել է ՀՀ նախագահը:

Մարտունու ԲՀԿ կենտրոնական գրասենյակը տարածել է հաղորդագրություն Թիվ 24 ընտրատարածքում տեղի ունեցող ապօրինությունների մասին։

-Կնիքների հետ կապված խնդիրը տեղամասերում պայմանավորված է եղել նրանով, որ կնիքն օգտագործելուց առաջ չեն թափահարել:Խնդիրը վերացել է, 8:30-ից հետո նման ահազանգեր չենք ստացել,–ասել է ԿԸՀ նախագահ Տիգրան Մուկուչյանը՝ որպես իր խոսքերի ապացույց ներկայացրնելով երկու թանաք, մեկը՝ թափահարած, մյուսը՝ չթափահարած։ Մուկուչյանը լրագրողներին առաջարկել է երկուսն էլ փորձարկել և տեսնել տարբերությունը, սակայն փորձարկումից հետո երկու կնիքներն էլ բավականին շուտ անհետացել են:

«Yerkir.am.–ը տեղեկացնում է, որ 144 դպրոցի 8/33 ընտրատեղամասից ահազանգ են ստացել՝ ՀՀԿ վստահված անձը, վերցնելով 2 ` 1 համամասնական և 1 մեծամասնական քվեաթերթիկներ, դուրս է եկել տեղամասից: Հեռանալուց առաջ հասցրել է դատարկ ծրարները գցել քվեատուփի մեջ:

ՀՀԿ–ականները կոտրել են տեսախցիկը և ծեծի ենթարկել ՀԱԿ վստահված անձ Ալավերդի Նամալյանին և ԲՀԿ–ական հանձնաժողովի անդամներին՝ Վարդան Հայրապետյանին և Կարեն Կեսոյանին։

Ըստ հաղորդման հեղինակի՝ Գյումրիի քաղաքապետի տղան՝ Սպարտակ Ղուկասյանը օպերատորի ձեռքից վերցրել է հեռուստախցիկը, այնուհետեւ տարել նաեւ օպերատոր Վարազդատ Պապիկյանին:

Բողոքելով ընտրությունների ընթացքի եւ արդյունքների վրա ազդող այս խայտառակ փաստի կապակցությամբ, մենք ակնկալում ենք ընտրական գործընթացին հետեւող միջազգային դիտորդական կազմակերպությունների անաչառ քննությունը եւ գնահատականը։

ԿԸՀ նախագահ Տիգրան Մուկուչյանը պատասխանել է «Հայ Ազգային Կոնգրես» կուսակցությունների դաշինքի կենտրոնական շտաբի ղեկավար Լևոն Զուրաբյանի նամակին, որում պարզաբանում էր պահանջվում «քվեախցիկում ընտրողի կողմից իր քվեարկած քվեաթերթիկը լուսանկարելու օրինականության» վերաբերյալ:

–Հուսանք, որ այս ընտրությունները կլինեն նոր սկիզբ հայ ժողովրդի համար,–ասել է Հրանտ Մարգարյանը։

«iditord.org» կայքից տեղեկանում ենք, որ Ավան համայնքում ՀՀԿ-ականները մարդկանց ստիպողաբար տանում են ընտրատեղամասեր և համոզում են իրենց ձայնը տալ ՀՀԿ-ին:

Այսօր՝ մայիսի 6–ին կայանալու է Ֆրանսիայի նախագահի ընտրությունների երկրորդ փուլը։ Առաջին փուլի արդյունքներով, երկրորդ փուլ էին անցել Ֆրանսիայի գործող նախագահ Նիկոլյա Սարկոզին և սոցիալիստ թեկնածու, ընտրությունների առաջատար համարվող Ֆրանսուա Օլլանդը։