ՀՀ փոխվարչապետ, տարածքային կառավարման նախարար Արմեն Գեւորգյանն այսօր այցելեց Արմավիրի մարզ: Փոխվարչապետը մարզպետ Աշոտ Ղահրամանյանի ուղեկցությամբ մասնակցեց Մյասնիկյան համայնքի դպրոցի բացման արարողությանը: Դպրոցը հիմնանորոգվել է "Հայաստանի մանուկներ" հիմնադրամի (COAF) "Բաղրամյանի տարածաշրջանի համայնքների զարգացման ծրագրի" շրջանակում, նախատեսված է 600 աշակերտի համար: Հաստատությունն ունի ժամանակակից պահանջներին համապատասխան գրադարան եւ մեդիա կենտրոն, վերապատրաստման կենտրոն, բացօթյա դասասենյակ։ Դպրոցի վերանորոգման եւ կահավորման համար ծախսվել է 1,5 մլն դոլար: Սա հիմնադրամի կողմից Արմավիրի մարզում հիմնանորոգվող հինգերորդ դպրոցն է` Քարակերտ, Շենիկ, Դալարիկ եւ Լեռնագոգ գյուղերի դպրոցներից հետո։

«7օր»-ը փորձել է այս հարցը պարզաբանել Սյունիքի մարզպետարանի հետ։ Մարզպետարանի լրատվության և հասարակայնության հետ կապերի բաժնի պետ Աշոտ Քարամյանը հարցին՝ ինչպես կարող է մեկնաբանել կամ պարզաբանել Սիլվա Համբարձումյանի հայտարարությունը ու փաստացի մեղադրանքը մարզպետին, պատասխանել է. «Չեմ կարող մեկնաբանել. ես տեղյակ չեմ»։

Թերևս, դա է պատճառը, որ Հատուկ քննչական ծառայության հետ միասին, տեղեկատվություն ենք տրամադրել նաև մեր երկրում ԵՄ ներկայացուցչությանը, միաժամանակ հարցնելով՝ պետական միջոցների օգտագործումը կուսակցությունների կողմից ընդունվա՞ծ չափանիշ է ԵՄ երկրներում... Գուցե, իրոք այդպես է:

Այս պահին ավարտվել է առաջին խաղատախտակում հանդես եկող Արկադի Նայդիչ–Լևոն Արոնյան պարտիան։ Սևերով խաղացող հայ գրոսմայստերը համաձայնել է ոչ ոքի ավարտել այն։

Իրավապաշտպան կազմակերպության տվյալներով՝ ապրիլի կեսերից մինչև օգոստոսի վերջը Հոմս գավառում սպանվել է 587 խաղաղ բնակիչ։ Ընդ որում, 102 մարդ է զոհվել այն բանից հետո, ինչ նոյեմբերի 2–ին Սիրիան ընդունել է Արաբական պետությունների լիգայի առաջարկած ճգնաժամը կարգավորելու ծրագիրը։

«Ոսկե ծիրան» երևանյան միջազգային կինոփառատոնը արդեն 5-րդ անգամ կհյուրընկալվի Ջավախքում: «Ոսկե ծիրանը անիվների վրա» ծրագրի շրջանակներում նոյեմբերի 10-14-ը Ախալքալաքում կկայանա հայ-վրացական կինոփառատոնը: Կցուցադրվեն “Ոսկե ծիրան” 8-րդ կինոփառատոնի ֆիլմերի ընտրանին և Վրաստանի ազգային կինոկենտրոնի կողմից վերջին տարիներին ստեղծված լավագույն ֆիլմերը:

Երևանի կենդանաբանական այգու նոր գլխավոր հատակագծի նախագծման աշխատանքներն արդեն մեկնարկել են: Նոյեմբերի 9-ից աշխատանքային այցով Երևանում են միջազգային ճանաչում ունեցող մի խումբ մասնագետներ, ովքեր անվճար հիմունքներով ստանձնել են Երևանի կենդանաբանական այգու գլխավոր հատակագծի նախագծումը:

Նախագահ Սերժ Սարգսյանն այսօր ընդունել է «Նեյշնլ ինսթրումենթս» ընկերության նախագահ, համահիմնադիր և գլխավոր տնօրեն Ջեյմս Թրուշարդին:

Նոյեմբերի 11-ին ՀՀ ֆինանսների նախարար Վաչե Գաբրիելյանը և «Ամայա գեյմինգ գրուպ» (AMAYA GAYMING GROUP) կանադական կորպորացիայի նախագահ և գործադիր տնօրեն Դեյվիդ Բաազովը ստորագրեցին պայմանագիր, որով նախատեսվում է մեր երկրում ներդնել շահումով խաղերի սարքավորումների վերահսկողության միասնական համակարգ և կազմակերպել պետական վիճակախաղ:

–Կա մի լայն շրջանակ՝ ԲՀԿ–ն և այլ ուժեր, որոնք ռուսական կողմնորոշում ունեն՝ ի տարբերություն իշխանության։ Իսկ ընդդիմության հետ փորձում են գործ ունենալ թե՛ Արևմուտքը և թե՛ մյուս կողմը,–նկատել է նա։

ՅՈՒՆԵՍԿՕ-ն հայտարարել է, որ հրաժարվում է մինչև 2011-ի ավարտը նոր ծրագրեր իրականացնել ֆինանսավորման պակասի պատճառով, ինչն էլ իր հերթին պայմանավորված է ԱՄՆ-ի ու Կանադայի՝ կազմակերպության հաշվին այլևս գումարներ չփոխանցելու որոշմամբ։

Ադրբեջանում Մոլդովայի դեսպան Իգոր Բոդյուն պաշտոնապես հերքել է այն տեղեկատվությունը, ըստ որի Մոլդովան կշարունակի զինամթերք փոխանցել Հայաստանին։Բոդյուն նշել է, որ այդ տեղեկատվությունը կեղծ է և տրամադրվել է մոլդովական ընդդիմադիր թերթի կողմից։

Նոյեմբերի 9-ի առավոտյան ոստիկանության Ապարանի բաժնում ահազանգ էր ստացվել, որ Արագած գյուղի մշակույթի տան մոտ տղամարդու դիակ կա: Դեպքի վայր մեկնած օպերատիվ խումբն այդ վայրում հայտնաբերել էր Արագած գյուղի բնակիչ, 59-ամյա Գևորգ Գալստյանի դիակը:

«Ղարաբաղ» կոմիտեի նախկին անդամ Աշոտ Մանուչարյանը, խոսելով Հայաստանի զարգացման հեռանկարներից, ասել է, որ Հայաստանը, հետ մնալով համաշխարհային զարգացումից, փորձում է իրականացնել այն, ինչն աշխարհի շատ տեղերից հեռանում է, ինչը տանում է կործանման։

Ըստ «Նոր ժամանակներ» կուսակցության նախագահ Արամ Կարապետյանի՝ ՀՀ նախագահ Սերժ Սարգսյանը դժվար ընտրության առջև է կանգնելու շուտով։ Բանն այն է, որ Պուտինի՝ ՌԴ–ում նախագահ վերընտրվելուց հետո վերջինս կսկսի ակտիվորեն առաջ տանել եվրասիականության վեկտորը։

–Եթե նախագահը Սահակաշվիլիի նման ուզում է հրաժարական տալ ու արտահերթ նախագահական ընտրություններ անցկացնել ու նման կերպով վերարտադրվել, ապա հասկանալի է այդ շտաբի հետ կապված փոփոխությունները։ Կարծում եմ, նախագահը նման մտադրույթուն ունի։ Բայց եթե նրան հաջողվի էլ, ապա նախ ասեմ, որ շատ դժվար է դա լինելու, Հայաստանում այսօր այն ժամանակվա Վրաստանի իրավիճակը չէ, կարծում եմ սխալ կլինի հիմա ճոճել Հայաստանը։ Այսինքն եթե ստացվի էլ, ապա կարծում եմ Հայաստանում բան չի փոխվի, միգուցե Սերժ Սարգսյանի համար, բայց ոչ երկրի։ Ուստի ես դեմ եմ այսօր արտահերթ ընտրությունների անցկացմանը։ Բայց, սա այն դեպքում, եթե ընտրությունները իրականացվեն այնպես, ինչպես միշտ՝ կեղծիքներով։ Եթե արդար լինեն, ապա, բնականաբար, ես կողմ եմ։

Նոյեմբերի 11-ին ԱԳ նախարար Էդվարդ Նալբանդյանն ընդունեց Եվրոխորհրդարանի պատգամավոր Քրիստիան Վիգենինին:

Կառավարության ներկայացրած Հարկային նոր փաթեթի ընդունման պարագայում տեղական արտադրության գարեջրի գինը 42 դրամով ավելանալու է։ «Ես այդպես չեմ կարծում»,–«Երևան գարեջուր» ՓԲԸ-ի սեփականատիրոջ հետ չի համաձայնել Ֆինանսների փոխնախարար Սուրեն Կարայանը։ «Ո՞նց էդպես չես կարծում։ Մարդն էստեղ նստած է, արտադրում է, դու ասում ես՝ էդպես չեմ կարծում»,–Կարայանին հակադարձել է Տնտեսական հարցերի հանձնաժողովի նախագահ Վարդան Այվազյանը։