Թեև աշխատանքի և սոցիալական ապահովության նախարարն ի սկզբանե փորձում էր խուսափել պատասխանել հարցին, թե, ի վերջո, ճի՞շտ են այն լուրերը, որ կուսակցությունը քաղաքական որոշում է կայացրել իրեն հետ կանչել, այնուամենյանիվ, արժանանալով լրագրողների համառ դիմադրությանը, ի վերջո պատասխանեց հարցերին:

-Միանգամայն ճիշտ են այդ լուրերը: Առողջական խնդիրներ ունեմ: Հրաժարականի դիմում եմ ներկայացրել. Չեմ կարող ասել, թե հրաժարականը երբ կհասնի իր նպատակին:

Նախարարն ասել է, թե հրաժարականի դիմում ներկայացնելն  իր անձնական որոշումն է.

-Ինձանից շատ էլ ո՞վ պետք է մտածեր իմ առողջության մասին:

Հարցին, թե մի քանի ամիս առաջ, երբ նա նշանակվում էր այդ պաշտոնին, իր առողջությունը թույլ տալի՞ս էր ընդունել այդ առաջարկը.

-Որևէ մեկը չի կարող ասել, թե մի քանի ամիս հետո իր հետ ինչ է կատարվելու:

Լրագրողները նախարարից հետաքրքրվել են, թե ինչպես է դրան արձագանքել կուսակցության ղեկավարը, Գ. Պետրոսյանը պատասխանել է.

-Մարդու առողջության պահպանման իրավունքն ամենակարևոր իրավունքներից մեկն է:

7or.am