-Բյուջեն կազմվում է եղած հնարավորությունների սահմաններում։ Այստեղ դրական կարելի է գնահատել այն, որ սոցիալական ծախսերն ամբողջությամբ կատարվում են, և սոցիալապես անապահով ընտանիքներին մինիմում գումարներ հասցվում են, բայց տնտեսությունը ճգնաժամի հետևանքով լուրջ վնասներ կրեց,-«7օր»-ի հետ խոսելով կառավարության ներկայացրած «Բյուջե-2010» նախագծի մասին՝ ասել է ՕԵԿ խմբակցության անդամ Արծրունի Աղաջանյանը։

Նա նշել է, որ երբ կառավարությունը կներկայացնի բյուջեի վերջնական տարբերակը և հաշվի կառնի խմբակցությունների առաջարկությունները՝ նոր կարելի է խոսել կողմ կամ դեմ քվեարկելու մասին։

Այն հարցին, թե արդյոք իրատեսակա՞ն է համարում այն, որ 2010թ. համար կանխատեսվում է 1-2% տնտեսական աճ, նա պատասխանել է, թե դա հնարավոր է։

-Աճը, որ կառավարությունը հույս ունի, 2009թ. հիման վրա է հաշվարկված, այսինքն՝ 15% անկումից հետո նման աճ հնարավոր է,-ասել է ՕԵԿ պատգամավորը։

7or.am