ԱՊՀ երկրների գագաթաժողովի (որը կկայանա հոկտեմբերի 9-ին Քիշնևում) հիմնական թեման լինելու է ֆինանսական վերջին ճգնաժամի հակազդեցության սատարումը։ Բացի նախագահ Դմիտրի Մեդվեդևից՝ գագաթաժողովին Ռուսաստանից կմասնակցի նաև փոխվարչապետ Ալեքսեյ Կուդրինը։

Սպասվում է, որ Դմիտրի Մեդվեդևը մի շարք հանդիպումներ կունենա։ Մասնավորապես նա հանդիպելու է Մոլդովայի նախագահի ժամանակավոր պաշտոնակատար Միխայ Գիմպուի հետ, ինչպես նաև եռակողմ հանդիպում կունենա Հայաստանի և Ադրբեջանի նախագահների հետ։

Ավելի վաղ տեղեկություններ կային, որ Քիշնևում տեղի կունենա հանդիպում նաև Ուկրաինայի նախագահի հետ, բայց  հանդիպումը չի կայանա։ Այդ մասին հայտնել է  Ռուսաստանի արտգործնախարար Սերգեյ Լավրովը։

Ըստ «Ռեգնումի»