Հարգելիներս,

Միշտ լսում ենք այն մասին, որ մեզ՝ հայերիս, երբեք այս կամ այն ազգը թույլ չի տվել, որ աճենք, գնանք առաջ, զարգանանք և այլն։
Անձամբ ինձ համար աշխարհի ԲՈԼՈՐ ազգերը, բացի հայերից, ուղղակի ինչ-որ X ազգ են, և իրենք միայն պետք է պաշտպանեն իրենց շահերը։ Չկա՛ ինձ համար իրենց մեջ տարբերություն։
Մի՛ փնտրեք մեղավորներ մեր ազգից դուրս, հերի՛ք է մեղադրեք մնացած ԲՈԼՈՐԻՆ՝ բացի մեզնից։ Մե՛նք պետք է սիրենք մեր երկիրը, այլ ոչ թե ուրիշները։ Հասկանալի է, որ մենք բնազդաբար չենք ուզում խոստովանել, որ ինքներս ենք մեղավոր մեր անհաջողություններում, բայց դե, ճշմարտությունը օրերից մի օր պետք է ընդունել, որպեսզի ուղղվենք և գնանք ԱՌԱՋ։
Նախ՝ պետք է ինքներս սիրենք այս երկիրը և մեր ԱԶԳԻՆ, ինչքան էլ վատ կողմեր ունի մեր ազգը։ Եվ հենց մեր օրինակով փորձենք ճիշտը ցույց տալ ու քարոզել։

Հայկ Ավետիսյանի ֆեյսբուքյան էջից